შსს-ს ცენტრალური კრიმინალური პოლიციის პირველი მთავარი სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად, 1981 წელს დაბადებული, წარსულში ორჯერ ნასამართლევი, ამჟამად პირობითი მსჯავრის ქვეშ მყოფი ოთარ რ. განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით მარნეულში დააკავეს.

სასჯელაღსრულებისა და პრობაციის სამინისტროს ცნობით, მსჯავრდებულს უკანა ტანში სამი მობილური ტელეფონი აღმოუჩინეს.

ჟურნალისტი ნანუკა ჟორჟოლიანი საკუთარი ფეისბუქის გვერდიდან, შინაგან საქმეთა მინისტრის მოადგილეს გიორგი ზედელაშვილს მიმართავს და და გუნავას საქმეზე დაკითხვას ითხოვს. აცხადებს, რომ მან იცის ვინ ჩაუდო მას ნარკოტიკი.

შსს-ს სამეგრელო-ზემო სვანეთის სამხარეო მთავარი სამმართველოს თანამშრომლებმა, ოპერატიულ-სამძებრო და საგამოძიებო ღონისძიებების შედეგად, ჯგუფურად ჩადენილი ყაჩაღობის ბრალდებით, 1979 წელს დაბადებული, წარსულში ნასამართლევი კობა ე. დააკავეს.
გამოძიებამ დაადგინა, რომ დაკავებული მიმდინარე წლის 6 ოქტომბერს, 4 პირთან ერთად, ზუგდიდის რაიონის სოფელ კორცხელში მოხუცი ცოლ-ქმრის საცხოვრებელ სახლში შეიჭრა, 150 ლარი და მედლები გაიტაცა და შემთხვევის ადგილიდან მიიმალა.

გავრცელდა ინფორმაცია, რომ დღეს, საბერძნეთში კონსტიტუციური უსაფრთხოების დეპარტამენტის ყოფილი უფროსის დათა ახალაიას საქმეზე სასამართლო პროცესი გაიმართება. ის საბერძნეთში რამდენიმე თვის წინ დააკავეს, როდესაც ამ ქვეყნიდან იტალიაში ყალბი საბუთებით გადასვლას ცდილობდა.

შინაგან საქმეთა სამინისტროს იმერეთის, რაჭა-ლეჩხუმის და ქვემო სვანეთის სამხარეო მთავარი სამმართველოს თანამშრომლები ქალაქ ქუთაისში დევნას ახორციელებდნენ ქურდობის ფაქტზე მხილებული მირზა ბ-ს მიმართ. აღნიშნული პირი არ დაემორჩილა სამართალდამცველების მოთხოვნას, მათ წინააღმდეგობა გაუწია და საკუთარი ავტომობილით სცადა პოლიციელებს დაჯახებოდა. ამის შემდეგ პოლიციის თანამშრომელმა მირზა ბ-ს მანქანის მიმართულებით გასროლა მოახდინა, რასაც ავტოსაგზაო შემთხვევა მოჰყვა. მირზა ბ. საავადმყოფოში გადაყვანის შემდეგ გარდაიცვალა. 

შინაგან საქმეთა სამინისტროს ვაკე-საბურთალოს სამმართველოს თანამშრომლებმა, ჩატარებული ოპერატიულ-საგამოძიებო ღონისძიებების შედეგად, ჯგუფურად ჩადენილი ხულიგნობის ფაქტზე "თავისუფალი ზონის" წევრი ფარნაოზ ჭ. დააკავეს.

გამოძიების ინფორმაციით, ბრალდებულმა თანმხლებ პირებთან ერთად თბილისში, იოსებიძის და ბულაჩაურის ქუჩების გადაკვეთაზე, ურთიერთშელაპარაკებისას, გაზეთ "ასავალ-დასავალის" ჟურნალისტი ზაზა დავითაია სცემა და შემთხვევის ადგილიდან მიიმალა.

დღეს, საინფორმაციო საშუალებებით გავრცელდა მიხეილ სააკაშვილის ადვოკატის ოთო კახიძის განცხადება, რომ ექსპრეზიდენტს სასამართლოს გადაწყვეტილებით ქონება დაუყადაღეს. ადვოკატმა ამ ქონების ჩამონათვალიც გაავრცელა. 

არადეკლარირებული, ძვირფასი ლითონის ნაკეთობები აღმოაჩნდა, საქართველოს მოქალაქეს, ,,წითელი ხიდის" საბაჟო გამშვებ პუნქტზე. მებაჟე ოფიცრებმა, ფინანსთა სამინისტროს საგამოძიებო სამსახურის საგამოძიებო დეპარტამენტის მიერ მოწოდებული ოპერატიული ინფორმაციის საფუძველზე, საბაჟო პროცედურების განხორციელებისას, მოქალაქე ა.მ. –ს ბარგში 15954,24 ლარის ღირებულების, საერთო წონით 376,53 გრამი ძვირფასი ლითონის ნაკეთობები აღმოაჩინეს.

,,სარფის" საბაჟო გამშვებ პუნქტზე შემოსავლების სამსახურის თანამშრომლებმა, განსაკუთრებით დიდი ოდენობის მედიკამენტების შემოტანის მცდელობა გამოავლინეს. კონტროლის ზონაში შემოსული, საქართველოს მოქალაქე მ. გ.-ის კუთვნილი ავტომანქანის დათვალიერებისას, მებაჟე ოფიცრებმა ავტომანქანის კარებსა და საბარგულის კედლებში არადეკლარირებული 17 დასახელების მედიკამენტები აღმოაჩინეს, რომელთა საბაჟო ღირებულებამ, ექსპერტის დასკვნის მიხედვით, 35286 ლარი შეადგინა.

შსს-ს კახეთის სამხარეო მთავარი სამმართველოს თანამშრომლებმა, ოპერატიული ინფორმაციის საფუძველზე ჩატარებული სამძებრო-საგამოძიებო ღონისძიებების შედეგად, 1983 წელს დაბადებული, წარსულში ხულიგნობისთვის ნასამართლევი ასლან ფ. დიდი ოდენობით ნარკოტიკული საშუალების უკანონო შეძენა-შენახვისა და გასაღების ბრალდებით, ხოლო 1986 წელს დაბადებული ლევან ა. ნარკოტიკული საშუალების უკანონო შეძენა-შენახვის ბრალდებით სიღნაღის რაიონის სოფელ ერისიმედში დააკავეს.

საპატრულო პოლიცია გაცნობებთ, რომ შესაძლო მძიმე შედეგების თავიდან აცილების მიზნით, საპატრულო–გამტარი პუნქტი დარიალი დღეის მდგომარეობით მუშაობს შემდეგი რეჟიმით: