შინაგან საქმეთა მინისტრად დანიშნულმა ვახტანგ გომელაურმა მედიისთვის პირველი კომენტარი გააკეთა. 
"მადლობას მოგახსენებთ ბატონო პრემიერო გამოცხადებული ნდობისთვის, ვეცდები გავამათლო თქვენი ნდობა და ხალხის იმედი. ჩემთვის უცხო არ არის შინაგან საქმეთა სამინისტრო. 

საქართველოს პრეზიდენტმა გიორგი მარგველაშვილმა ზურაბ ჟვანია, სიკვდილის შემდეგ, წმინდა გიორგის სახელობის გამარჯვების ორდენით დააჯილდოვა. ჯილდო პრეზიდენტის სასახლეში, მისი ოჯახის წევრებს გადასცა.

საქართველოსა და ლატვიის რესპუბლიკის პრეზიდენტები დახვედრის ოფიციალური ცერემონიის შემდეგ ერთმანეთს პირისპირ შეხვდნენ.
შეხვედრისას ხაზგასმით აღინიშნა ორი პარტნიორი ქვეყნის სტრატეგიული თანამშრომლობის მნიშვნელობა და ამ თანამშრომლობის უფრო გაღრმავების სურვილი.
გიორგი მარგველაშვილმა საუბრისას აღნიშნა, რომ ლატვიის რესპუბლიკის, როგორც ევროკავშირის მომავალი თავმჯდომარე ქვეყნის, თანადგომა უაღრესად მნიშვნელოვანია ჩვენი ქვეყნისათვის ევროატლანტიკური ინტეგრაციისათვის; მან ლატვიელ კოლეგას მადლობა გადაუხადა საქართველოს ტერიტორიული მთლიანობის, სუვერენიტეტისა და არაღიარების პოლიტიკის მხარდაჭერისათვის, ასევე საქართველოს მხარდამჭერი იმ განცხადებისათვის, რომელიც 24 ნოემბერს ბალტიის ასამბლეამ რიგაში გააკეთა.

15 ნოემბრის აქციასთან დაკავშირებით სასჯელაღსრულების დეპარტამენტის თავმჯდომარის ყოფილი მრჩეველი ლალი მოროშკინა, საქართველოს ყოფილ პრემიერ-მინისტრს ბიძინა ივანიშვილს, საკუთარი ფეისბუქის გვერდიდან ღია წერილით მიმართავს. ტექსტის შინაარს უცვლელად გთავაზობთ: 

,,ღია წერილი ბატონ ბიძინა ივანიშვილს!

ვრცელდება ინფორმაცია, რომ სოფლის მეურნეობის მინისტრის მოადგილე დავით გალეგაშვილი ნაცემია, თუმცა მისი ცემის ფაქტი მისმა ახლობლებმა უარყვეს. დავით გალეგაშვილი ქალა-ტვინის დახურული ტრავმით კომატოზურ მდგომარეობაში რესპუბლიკურ საავადმყოფოში იმყოფება. საავადმყოფოს ექიმების განმარტებით, პაციენტს სხეულზე არ აღენიშნება სხვა დაზიანებები, მას მხოლოდ თავა–ქალის ტრამვა აქვს. მათი განმარტებით პაციენტის მდგომარეობა უმჯობესდება.

მთავარი ,,სამინისტროს პოლიტიზირების თავიდან აცილებაა" – განაცხადა პრემიერმა ირაკლი ღარიბაშვილმა და ირაკლი ალასანია თავდაცვის მინისტრის პოსტიდან გადააყენეს.
"სახეზეა საკითხის პოლიტიზირების მცდელობა. ნაცვლად იმისა, რომ ალასანიას ხელი შეეწყო გამოძიებისთვის, მისი მოქმედებები იწვევს თავდაცვის სამინისტროს პოლიტიზირებას, რაც ჩემთვის დაუშვებელია, რადგან აისახება ქვეყნის თავდაცვისუნარიანობასა და ხელისუფლების ეფექტურ მუშაობაზე",- განაცხცადა პრემიერმა.

ახლახანს საქართველოს ყოფილი პრეზიდენტის მიშა სააკაშვილის ფეისბუქის გვერდზე გავრცელდა ფოტო, რომელიც ოჯახის წევრებთან და მამა მიქაელთან ერთადაა გადაღებული.

თბილისში სამუშაო ვიზიტით ბირთვული კვლევების ევროპული ცენტრის (CERN)ოფიციალური დელეგაცია იმყოფებოდა. დელეგაციის წევრები განათლებისა და მეცნიერების მინისტრ თამარ სანიკიძეს შეხვდნენ. შეხვედრაზე ბევრ მნიშვნერლოვან საკითხთან ერთად, აქტიურად განიხილებოდა ცერნში (CERN) საქართველოს ასოცირებული წევრობის საკითხი. დაიგეგმა შემდგომი ნაბიჯები, რომლის ფარგლებშიც, საქართველო ოფიციალურ განაცხადს წარადგენს ცერნში (CERN) და დაიწყება პროცესი. პარლელურად, არაერთი ცერნის (CERN) წარმომადგენელი ჩამოვა საქართველოში და საქართველოდანაც ბევრი მეცნიერი ეწვევა ბირთვული კვლევის ევროპულ ცენტრს.

საქართველოს პრემიერ-მინისტრი ირაკლი ღარიბაშვილი ერთ-ერთი მსხვილი თურქული ჰოლდინგის ,,მეტრო ტიკარის" ხელმძღვანელს, გალიპ ოსტურკს შეხვდა. ჰოლდინგი ბათუმში 42 მილიონ დოლარიანი ინვესტიციის განხორციებას იწყებს, რომლის ფარგლებში ახალი საცხოვრებელი აპარტ-ოტელი და სასტუმრო აშენდება. 

პრემიერმა დავით ნარმანიას ადგილზე ელგუჯა ხოკრიშვილი წარადგინა

საქართველოს პრემიერ-მინისტრმა ირაკლი ღარიბაშვილმა რეგიონული განვითარებისა და ინფრასტრუქტურის მინისტრის თანამდებობაზე ელგუჯა ხოკრიშვილი წარადგინა.

მთავრობის მეთაურმა დავით ნარმანიას შემცვლელის წარდგენისას ელგუჯა ხოკრიშვილის მაღალ კვალიფიკაციასა და პროფესიონალიზმზე გაამახვილა ყურადღება და იმედი გამოთქვა, რომ იგი მინისტრთა კაბინეტის ღირსეული წევრი იქნება.

„ჩვენ ელგუჯა ხოკრიშვილს ძალიან საპასუხისმგებლო დარგს ვაბარებთ. მას აქვს შესანიშნავი კვალიფიკაცია და ვიმედოვნებ, რომ წარმატებით უხელმძღვანელებს სამინისტროს, გახდება ჩვენი გუნდის ღირსეული წევრი და წარმატებული მინისტრი", - აღნიშნა საქართველოს პრემიერ-მინისტრმა.

ელგუჯა ხოკრიშვილი დღემდე საქართველოს მუნიციპალური განვითარების ფონდის თავმჯდომარე იყო

საქართველოს პრემიერი და ახალი ზელანდიის საგარეო საქმეთა მინისტრი ერთმანეთს შეხვდებიან

საქართველოში ახალი ზელანდიის საგარეო საქმეთა მინისტრის, მურაი მაკკულის ვიზიტი იგეგმება, - ამის შესახებ საქართველოს პრემიერ-მინისტრ ირაკლი ღარიბაშვილისა და ახალი ზელანდის ელჩის, ტაჰა მაკფერსონის შეხვედრაზე გახდა ცნობილი.

როგორც პრემიერმა შეხვედრისას აღნიშნა, საქართველო ახალ ზელანდიას ერთ-ერთ უმნიშვნელოვანეს პარტნიორად მიიჩნევს არა მხოლოდ რეგიონში, არამედ გლობალურადაც.

პრემიერ-მინისტრმა ახალი ზელანდიის ელჩს მადლობა გადაუხადა საქართველოს ტერიტორიული მთლიანობისა და სუვერენიტეტის მხარდაჭერისთვის, ასევე წყნარი ოკეანის რეგიონში არაღიარების პოლიტიკის განმტკიცებაში დახმარებისთვის.

შეხვედრისას მხარეებმა ხაზი გაუსვეს საქართველო-ახალი ზელანდიის პარლამენტთაშორისი მეგობრობის ჯგუფის მნიშვნელობას, რაც ხელს შეუწყობს საკანონმდებლო სფეროში ორი ქვეყნის მჭიდრო თანამშრომლობას

ირაკლი ღარიბაშვილი იუსტიციის უმაღლეს საბჭოს ეწვია

საქართველოს იუსტიციის უმაღლეს საბჭოს დღეს საქართველოს პრემიერ მინისტრი ეწვია. ირაკლი ღარიბაშვილი იუსტიციის უმაღლესი საბჭოს მდივანს და წევრებს შეხვდა.

შეხვედრა გაცნობით ხასიათს ატარებდა.  პრემიერ მინისტრმა სასამართლო ხელისუფლებისადმი თავისი ღრმა პატივისცემა დაადასტურა და განაცხადა, რომ მისი და საბჭოს მდივნის ხედვა ერთმანეთს ემთხვევა.

საუბარი  მოსამართლეთა დამოუკიდებლობის გარანტიებს შეეხო. პრემიერ მინისტრმა ასევე აღნიშნა, რომ მთავრობის დაპირება მოსამართლეების ხელფასების ზრდასთან დაკავშირებით შესრულებულია.

ირაკლი ღარიბაშვილმა იუსტიციის სამინისტროს მოუწოდა, მართლმსაჯულების საკითხთან დაკავშირებული კანონპროექტების მომზადების პროცესში იუსტიციის უმაღლესი საბჭოს მაქსიმალური ჩართულობა უზრუნველყოს, რათა სრულყოფილი კანონების მიღება მოხდეს. შეხვედრისას ასევე ისაუბრეს, მოსამართლის საქმიანობაში ჩაურევლობის შესახებ.

შეხვედრის დასრულების შემდეგ, საქართველოს იუსტიციის უმაღლესი საბჭოს მდივანმა ლევან მურუსიძემ ჟურნალისტებისთვის კომენტარი გააკეთა.

,,მნიშვნელოვანი და ნაყოფიერი შეხვედრა იყო. პრემიერ მინისტრმა თავისი მობრძანებით მთავრობის პოზიცია, კიდევ ერთხელ დაადასტურა,  რომ მას სურს ქვეყანაში დამოუკიდებელი მართლმსაჯულების არსებობა.