საქართველოს საპატრიარქო პატრიარქის მიერ პატიმრების შეწყალების ინიციატივასთან დაკავშირებით განმარტებას აკეთებს. " 5 დეკემბერს რუსთაველის თეატრში შედგა სპექტაკლი პატიმარი ქალების მონაწილეობით. ეს იყო პირველი შემთხვევა, როდესაც სახელმწიფო თეატრის სცენა და დარბაზი მჯავრდებულებს დაეთმო. წარმოდგენაც და შექმნილი გარემოც მეტად ემოციური იყო; მისმა უწმინდესობამ სწორედ ამ ფონზე ბრძანა, რომ კარგი იქნებოდა, პატრიარქსაც ჰქონოდა პატიმრების შეწყალების უფლება. 
ეს იყო მათდამი სოლიდარობის, მათი დახმარებისა და თანადგომის სურვილით ნათქვამი აზრი და არა მოთხოვნა საკანონმდებლო დონეზე ამ წინადადების განხილვისა", - ნათქვამია საპატრიარქოს განცხადებაში.

საქართველოს კათოლიკოს პატრიარქმა ილია მეორემ აშშ–ში ერთსქესიანთა ქორწინების დაკანონება დიდ შეცდომდ მიიჩნია და საკვიარო ქადაგებისას ამის შესახებ ბრძანა: "არის შემთხვევები, როდესაც ადამიანები, სახელმწიფოები უკანონობას აკანონებენ. აშშ–ში, მთელს სახელმწიფოში მიიღეს გადაწყვეტილება, რომ ყველა შტატში იყოს დაშვებული ერთსექესიანთა ქორწინება, ეს დიდი შეცდომაა. ამას ამბობენ თვით ამერიკელი სასულიერო პირები, ჩვენც ამას ვადასტურებთ და ვამბობთ, ეს არის დიდი შეცდომა", – აღნიშნა პატრიარქმა.

დღეს საკვირაო ქადაგებისას საქართველოს კათოლიკოს-პატრიარქმა, უწმინდესმა და უნეტარესმა ილია მეორემ განაცხადა, რომ თბილისის ზოოპარკი თავის დროზე კომუნისტების მიერ ეკლესია-მონასტრების გადამდნარი ზარების ხარჯზე დაარსდა და ის იმ ადგილას, სადაც არის ვერ გაიხარებს. მისი თქმით, ზოოპარკი სხვა ადგილას უნდა იყოს გადატანილი. ის წუხელ ღამით თბილისში დატრიალებულ ტრაგედიას გამოეხმაურა, სადაც ზოოპარკის დაარსების ისტორიაზე ისაუბრა.

სრულიად საქართველოს კათოლიკოს პატრიარქი, უწმინდესი და უნეტარესი ილია მეორე განცხადებას ავრცელებს:

,,გვინდა გამოვხატოთ ჩვენი დიდი წუხილი და შეშფოთება 18 ნოემბერს იერუსალიმში, ებრაული რელიგიური სასწავლებელის სინაგოგაში, მომხდარი ტერორისტული აქტის გამო, რომლის შედეგადაც ხუთი პიროვნება გარდაიცვალა, მათ შორის ოთხი რაბინი, არიან დაშავებულებიც. ჩვენ ვგმობთ ამ ქმედებას და გულითადად ვუსამძიმრებთ განსვენებულთა ოჯახებსა და მთელ ებრაელ ხალხს. დიდად სამწუხაროა ისიც, რომ რელიგიურ ნიადაგზე საერთოდ გახშირდა პროვოკაციული ქმედებები და იქმნება შთაბეჭდილება, რომ მიზანმიმართულად ხდება დაპირისპირების კერების შექმნა. შევთხოვთ ღმერთს, მოგვმადლოს კეთილგონიერება და მშვიდობა". 

,,სხვა მორალური მდგომარეობაა ემბრიონის ბუნებრივი სიკვდილი, სხვა - ადამინის ხელით აღსრულებული“

არასწორი,  მოჭარბებული ინფორმაციის წყალობითა და ტოტალური გაუნათლებლობის ხანაში - მე-20 საუკუნეში, ადამიანებთან ურთიერთობა გართულდა... ყველა სფეროში უწიგნურობამ დაისადგურა და მხოლოდ კერძო ამბიციებისა და ვიწრო შეგნება-აზროვნებით წყვეტენ ამა თუ იმ საჭირბოროტო საკითხებს - ,,ამას ეს, იმას ის... საქმეში განსწავლული ადამიანების გარეშეც შეიძლება ყველა საკითხის მოგვარება“.... ისმის სხვადასხვა ბნელი კულისებიდან...

საქვეყნოდ ატეხილ ხმაურიან ამბებზე - სხვადასხვა პრობლემებზე და მნიშვნელოვან საკითხებზე, ბოლნისის ღვთისმშობლის ეკლესიის მღვდელმსახურს, მამა ილია ჭიღლაძეს  ვესაუბრეთ, თუმცა შეკითხვები მაინც ბევრი დარჩა ამოუწურავი და, მომავალშიც შევეცდებით მასთან მსგავს თემებზე ვისაუბროთ...

ავტორი
მეგი მაჭარაშვილი
მამა თავმასი: გაუფრთხილდით სიყვარულს და ნუ გააუბრალოებთ გრძნობას

,,თქვა უფალმა ღმერთმა: არ ვარგა ადამიანის მარტო ყოფნა. გავუჩენ შემწეს, მის შესაფერს. ნეკნისგან უფალმა, ადამს რომ გამოუღო, დედაკაცი შექმნა და მიუყვანა. თქვა ადამმა: ,,ეს კი მართლაც ძვალია ჩემი ძვალთაგანი და ხორცი ჩემი ხორცთაგანი. დედაკაცი ერქვას მას, რაკი კაცისაგან არის გამოღებული. ამიტომაც მიატოვებს კაცი დედ-მამას და მიეწებება თავის დედაკაცს, რათა ერთხორცად იქცნენ" (დაბად. 2,18,22-24).
ჟურნალი ,,ნათლია" ქორწინების საიდუმლოზე სასაუბროდ, ჯვრის მამის ეკლესიის მოძღვარს, დეკანოზ მამა თავმასს ესტუმრა. 
- დაგვლოცეთ მამაო
- ღმერთმა დაგლოცოთ.
- მამაო, რაში მდგომარეობს ჯვრისწერის საიდუმლო?
- ახალი ოჯახის კურთხევისთვის, ეკლესიამ ქორწინების საუდუმლო - ჯვრისწერა დაადგინა.  ყოველი ქრისტიანი ადამიანი, რომელიც ოჯახის შექმნას გადაწყვეტს, ყველაფერი მოძღვრის კურთხევით უნდა გააკეთოს. საცოლეც და საქმროც, უნდა მართმადიდებელი სარწმუნოების აღმსარებელი იყოს: მაზიარებელი, მლოცველი, ინახავდეს მარხვას და შემდეგ, შვილებიც ღვთისნიერად უნდა აღზარდონ. რაც მთავარია, მათი ურთიერთკავშირი ჯვრისწერით უნდა იყოს განმტკიცებული. 
- ჯვრისწერის დროს მეუღლეებს თავზე გვირგვინს რატომ ადგამენ?
- გვირგვინის დადგმა, ქორწინების საიდუმლოს მთავარი მომენტია: მღვდელი ადგამს გვიგვინს, სამეფო ჯვარის სახით გარდასახავს მათ, ამთხვევინებს საცოლე-საქმროს, მაცხოვრისა და ღვთისმშობლის ხატებს, რომელიც გვირგვინზეა მიმაგრებული, თან წარმოსთქვამს სიტყვებს: ,,გვირგვინოსანი იქნება მამა ღვთისა და მხევალი ღვთისა". გვირგვინი მეუფებას ნიშნავს.

მამა იოანე: ადამიანის სული იმას ემსგავსება რაც მას უყვარს 

ავტორი

თინათინ ბეკოშვილი

„მიწიერი სიამოვნება ეს არის ამქვეყნიური მატერიისაკენ ტკბობა,როდესაც ადამიანი განეშორება ღვთის მადლს დაივიწყებს ყოველივე ღვთიურს და ჩაეფლობა ყოველდღიური საზრუნავით გაჯერებულ ცხოვრებაში“ - ამბობს სოფელ დიღმის ყოვლადწმინდა ღვთისმშობლის მიძინების ტაძრის წინამძღვარი დეკანოზი იოანე ჩიგოგიძე. ის გვარების შეკრების საგვარეულო კავშირის და გვართა ისტორიების წარმოჩინების საქველმოქმედო კავშირის მოძღვარია. არის მრავალი მართლმადიდებლურ თემატიკაზე შექმნილი დოკუმენტური ფილმების ავტორი და მართლმადიდებლური ფილმების III საერთაშორისო ფესტივალის „წმინდა ანდრიას ჯვარის“ ლაურეატი. ასევე მიღებული აქვს სიგელი ტიტულით „მომლოცველი იერუსალიმის წმინდა მიწის ახალი ათასწლეულისა“.

რუსთავისა და მარნეულის ეპარქია აღმოსავლეთ საქართველოს სამხრეთით მდებარე ერთ-ერთი საზღვრისპირა ეპარქიაა. იგი მოიცავს ქალაქებს რუსთავს, მარნეულს, გარდაბანსა და მათ მიმდებარე ტერიტორიას. იურისდიქცია ისტორიული ქვემო ქართლის ვაკეზე მდინარეების მტკვრის, ალგეთისა და ხრამის აუზებზე ვრცელდება. რუსთავის სამღვდელმთავრო ტერიტორიას აღმოსავლეთსა და ჩრდ. აღმოსავლეთის მხრიდან ესაზღვრება მცხეთა-თბილისის, ჩრდილო-დასავლეთიდან – მანგლისისა და წალკის, დასავლეთიდან ბოლნისის ეპარქიები. ეპარქიის სამხრეთ საზღვარი ემთხვევა სომხეთისა და აზერბაიჯანის სახელმწიფო საზღვარს. ეპარქიის ტერიტორიაზე საქართველოს გაქრისტიანების დასაწყისიდანვე იწყება ეკლესიათამშენებლობა. IV ს. ბოლოს მითრიდატ მეფეს (393-405) რუსთავში დაუდვია „ეკლესიის საფუძველი“. ვახტანგ გორგასალის საეკლესიო რეფორმის შემდეგ რუსთავის საეპისკოპოსო ერთეულად აღირაცხა და იგი რუსთავის საერისთავოს ტერიტორიას მოიცავდა. თათარ-მონღოლთა შემოსევების შედეგად აოხრდა ქალაქი რუსთავი და რუსთაველი ეპისკოპოსის სადგომად მიჩნეული იქნა მარტყოფი. მარტყოფში მყოფი მღვდელმთავარი კვლავ რუსთველად იხსენიებოდა. სამეფოებად გაყოფილ საქართველოში რუსთველი მღვდელმთავარი კახეთის სამეფოს მეორე სადროშოს სარდლობდა. ავტოკეფალის გაუქმების შემდეგ თითქმის ორი საუკუნის განმავლობაში საგანმანათლებლო და მწიგნობრული ტრადიციით გამორჩეული რუსთავის ეპარქიის აღდგენა სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ძალისხმევით გახდა შესაძლებელი.

2002 წლის 17 ოქტომბერს ეპარქიას ეწოდა რუსთავის და მარნეულის ეპარქია. 1997-2010 წწ. ეპარქიის მმართველი იყო მღვდელმთავარი მიტროპოლიტი ათანასე (ჩახვაშვილი). ამჟამად ეპარქიის მმართველი მღვდელმთავარია მთავარეპისკოპოსი იოანე (გამრეკელი). მეუფე ჩვენი ნომრის სტუმარია. იგი გვესაურება ბავშვის მსოფლმხედველობის ჩამოყალიბებაზე, მის აღზრდასა და ცხოვრებაში საერო და სასულიერო განათლების როლზე.

- დაგვლოცე მეუფეო...

- ღმერთმა დაგლოცოთ!