 |
ავტორი
გიორგი გაბაშვილი
სოსო ცინცაძე: ქვეყანაში პოლიტიკური უკულტურობაა
ქართულ პოლიტიკურ სივრცეში, მოვლენები ყოველდღიურად იცვლება. საპრეზიდენტო არჩევნები ახლოვდება, 27 ოქტომბერს ქვეყანას ახალი პრეზიდენტი ეყოლება, პრემიერი ივანიშვილი კი პოლიტიკიდან წასვლას გეგმავს. საინტერესოა პოლიტიკური თვალსაზრისით რას მოუტანს ეს ყველაფერი საქართველოს, რა როლს ასრულებს ქვეყნის პოლიტიკურ ცხოვრებაში ქართული პოლიტიკური ელიტა. ამ საკითხებზე ჟურნალი ,,ქართული ელიტა" პოლიტოლოგ სოსო ცინცაძეს ესაუბრა.
- ბატონო სოსო, თქვენი აზრით, რა შეიცვალა ქვეყნის პოლიტიკურ ცხოვრებაში პირველი ოქტომბრის საპარლამენტო არჩევნების შემდეგ?
- ყველაზე მთავარი ის, რომ შიში გაქრა. მაგალითად ხელისუფალთან შეხვედრის შიში. პოლიტოლოგებთან ივანიშვილის ბოლო შეხვედრამ, დაგვანახა, რომ არავის ეშინოდა შეკამათებოდა მას არგუმენტირებულად. ახლა ვლაპარაკობთ პრობლემებზე და არ გვეშინია, რომ ჩვენი ნათქვამი ვიღაცას არ მოეწონება. მუდმივი თვალთვალი და ფარული მოსმენები აღარ არის, თუმცა სხვა, რადიკალურ ვცლილებებს ვერ ვხედავ. მაგალითად ბიზნესი, ისეთივე მდგომარეობაშია როგორიც იყო, მართალია რეკეტი აღარაა, მაგრამ პრესაში იწერება, რომ კიდევ არის მცდელობები გარკვეულმა პირებმა ბიზნეს წილები ხელში ჩაიგდონ. რატომღაც ქართველი პოლიტიკოსები შეეჩვივნენ, რომ პოლიტიკური ძალა, რომელიც ხელისუფლებაში მოდის, უნდა გამდიდრდეს.
არჩევნებზე ხელისუფლება თავადაა სუბიექტი, ანუ თავად ატარებს მას. თუ დავუჯერებთ პრესას, ისევ ხდება ადმინისტრაციული რესურსების გამოყენება და სოციოლოგიური კვლევების გაყალბება. არავინ დაიჯერებს, რომ ნაცოინალურ მოძაობას ორჯერ მეტი მხარდამჭერი ჰყავს, ვიდრე ქალბატონ ბურჯანაძეს. როგორც ჩანს, უკვე აუცილებელია შეიქმნას ძლიერი სოციოლოგიური კვლევების ცენტრი, რომელსაც ყველა დაუჯერებს. დღევანდელ კვლევებს ის ორგანიზაციები ატარებენ, რომლებიც ბოლო 10 წელია ამას აკეთებენ და ამიტომაც არ არსებობს ნდობა მათ მიმართ.
ავტორი
მეგი მაჭარაშვილი
პოეტ ფიოდორ ტიუტჩევს 210 წელი შეუსრულდა
საქართველოს პარლამენტის ეროვნული ბიბლიოთეკის საგამოფენო დარბაზში, პოეტ ფიოდორ ტიუტჩევის დაბადებიდან 210-ე წლის აღსანიშნავად, შემოქმედებითი საღამო გაიმართა. მოეწყო გამოფენა, სადაც უამრავი ნახატი იყო წარმოდგენილი.
საღამო, 96-ე საჯარო სკოლის რუსული ენისა და ლიტერატურის მასწავლებელს ანა ნალბანდიანს მიჰყავდა. მუსიკალურად კი მისმა ქალიშვილმა ნინა მეტრეველმა გააფორმა.
ავტორი
თინათინ რეხვიაშვილი
პოეზიით დამარცხებული ტკივილი
დარდით დაქანცული ძალას მოვიკრებ და
თვალში კვლავ მოვახჩობ სევდას,
დედი, სხვებივით რად არ დადიხარო,
შვილი მეკითხება დედას.
ეს სევდიანი სიტყვები, არაჩვეულებრივ პოეტ ქალბატონს მიმოზა ცანავას ეკუთნის. იგი ბავშვობიდან პოლიომიელიტითა დაავადებული, მაგრამ ცხოვრებას არ ეპუება, საოცრად აქტიურია. მისი ლექსები ცხოვრებაზე დაგვაფიქრებს. მას საკუთარ შემოქმედებაზე სასაუბროდ სახლში ვეწვიეთ.
მიმოზა ცანავა: ჩემი პოეტური მოღვაწეობა ბავშვობიდან დაიწყო. ლექსის წერა ჩემთვის უფლის წყალობა და დიდი ჯილდოა. მწერალთა კავშირის წევრი და 7 პოეტური კრებულის ავტორი ვარ. ეხლახანს, გამოვეცი კრებული, რომელსაც ,,კოლხური" ჰქვია. ეს წიგნი, ჩემს მშობლიურ სამეგრელოს მივუძღვენი, სადაც ჩემმა ყმაწვილქალობამ ჩაიარა და სატრფომ ყელზე მძივი დამკიდა.
- როგორ გაიხსენებდით თქვენი სიყვარულის ისტორიას?
- ძალიან რომანტიული იყო. ყავარჯნიანი გოგოს შეყვარება არც ისე იოლია, მაგრამ სიყვარული ამ ნაკლს ვერ ხედავს. ძალიან ბედნიერი ვიყავი, როცა გრძნობებში გამომიტყდა, მას უანგაროდ ვუყვარდი...
თარგმნა
მზია კევლიშვილმა
,,სამსუნგმა“, ერთი მილიარდი ევრო ,,Apple”-ს, 5 ცენტიანი მონეტებით სავსე ოცდაათი სატვირთო ავტომობილით მიუტანა
კალიფორნიაში, ,,Apple“-ს შტაბბინის წინ, 5 ცენტიანი მონეტებით სავსე, 30 სატვირთო მივიდა. უსაფრთხოების კომპანიას, რომელიც შტაბბინას იცავს, ეგონა, რომ სატვირთო ავტომობილები არასწორ ადგილას მოხვდნენ, მაგრამ ცოტახნის შემდეგ ,,Apple“-ს აღმასრულებელმა დირექტორმა, ტელეფონით სამსუნგის აღმასრულებებლი დირექტორისგან შეიტყო, რომ დაკისრებულ ჯარიმას, ისინი 5 ცენტიანი მონეტებით გადაუხდიდნენ.
ყველაზე სასაცილო ის არის, რომ ხელმოწერილი დოკუმენტი არ აკონკრეტებდა გადახდის ფორმას. ასე, რომ სამსუნგს სრული უფლება ჰქონდა, ჯარიმა მონეტებით გაეგზავნა.
ეს ბინძური, მაგრამ გენიალური იდეა, ,,Apple“-ს კომპანიის თავისტკივილი გახლავთ. მათ, უნდა დათვალონ ეს მონეტები, რათა შეამოწმონ, თანხა სრულყოფილია თუ არა.
ავტორი
მეგი მაჭარაშვილი
გრიგოლ ქსოვრელის აღდგენილი ჩანაწერების დისკის პრეზენტაცია გაიმართა
გრიგოლ ქსოვრელი, 1921 წელს, თბილისში დაიბადა. პატარა გრიგოლს მუსიკა თავიდანვე იტაცებდა. განსაკუთრებული მუსიკალური ნიჭით დაჯილდოებულმა მოზარდმა, 12 წლის ასაკიდან, უკვე არაერთი საბავშვო მუსიკალური კოლექტივი ჩამოაყალიბა.
1962 წელს, გრიგოლ ქსოვრელი, მედუდუკეთა ანსამბლ ,,სოინარს“ სათავეში ჩაუდგა. ანსამბლს დიდი წარმატება ხვდა წილად. მინიჭებული ჰქონდა ფესტივალის ლაურიატის წოდება, მედლები და პირველი ხარისხის დიპლომები.
გრიგოლ ქსოვრელი საკომპოზიტორო მოღვაწეობასაც ეწეოდა. იგი მრავალი სიმღერისა და მუსიკალური ნაწარმოების ავტორია. ხშირად აფორმებდა კონცერტებსა და სხვადასხვა მუსიკალურ დადგმებს, საქართველოს რადიოსა და ტელევიზიაში. შესრულებული აქვს, არაერთი ეპიზოდური კინო-როლი, გახმოვანებული აქვს ფილმები: ,,მაია წყნეთელი“, ,,ვიღაცას ავტობუსზე აგვიანდება“, ,,ქალაქი ანარა“, ,,წყალდიდობა“, ,,დაბრუნებული ღიმილი“, ,,ფიროსმანი“, ,,ბებერი მეზურნეები“, ,,მთვარის მოტაცება“ და ,,მზე შემოდგომისა“. მან, ასევე გაახმოვანა სპექტაკლები ,,იეთიმ გურჯი“ და ,,ბებერი მეზურნეები“.
ავტორი
თინათინ რეხვიაშვილი
დაბრუნდება, თუ არა ეკრანზე მარინა სალუქვაძე?
ცნბილი ჟურნალისტი და ტელე-წამყვანი მარინა სალუქვაძე, კარგახანია ეკრანზე აღარ ჩანს. მისი წასვლა ტელეკომპანია ,,მზის“ ფორმატის შეცვლასა და გადაცემა ,,ტაბუს“ დახურვას უკავშირდება. ამბობს, რომ ტელე-მაყურებელთან შეხვედრა ძალიან ენატრება.
კვლავ ვიხილავთ, თუ არა მას ჟურნალისტის ამპლუაში, ან გააგრძელებს, თუ არა რომელიმე ქართულ სატელევიზიო არხზე მოღვაწეობას, ამის გასარკვევად ქალბატონ მარინას დავუკავშირდით.
- როგორ შეიქმნა გადაცემა ,,ტაბუ“?
- ძალიან სპონტანურად, რადგან ასეთი გადაცემა, ქართულ სატელევიზიო სივრცეში არ არსებობდა, უცებ გადავწყვიტეთ...
- თქვენ იყავით ჟურნალისტი, რომელიც ყველაზე ტაბუდადებულ თემებზე საუბრობდა. იყო,თუ არა ეს თქვენთვის ერთგვარი რისკი?
- რისკი იყო, თავდაპირველად არც გვეგონა, რომ ეს გადაცემა გაამართლებდა.
ავტორი
თინათინ რეხვიაშვილი
,,იმედის ხელი“ საზოგადოების თანადგომას ელის
მძიმე სნეულებით დაავადებული ბავშვებისა და ახალგაზრდების დასახმარებლად, საქველმოქმედო ფონდი ,,იმედის ხელი“, 2010 წლის 9 თებერვალს, დაფუძნდა. მას დღემდე, არაერთი საქველმოქმედო კონცერტი აქვს ჩატარებული; ღონისძიებები, გამოფენა-გაყიდვები, სამედიცინო გამოკვლევები. ფონდი, ასევე, გეგმავს სხვადასხვა საქველმოქმედო ღონისძიებებს, კეთილი ადამიანებისა და კომპანიების დახმარებით.
იგი არაერთი საქველმოქმედო აქციით, უამრავ ადამიანს დაეხმარა.
ფონდის დაფუძნება, პირად ტრაგედიასთან არ ყოფილა დაკავშირებული, გვეუბნება, საქველმოქმედო ფონდ ,,იმედის ხელის“ ერთ-ერთი დამფუძნებელი ბატონი დავით დურგლიშვილი. თუმცა ფონდის მეორე დამფუძნებელს, ზურაბ ნატრიაშვილს დამოუკიდებლად გადაადგილება უჭირს. იგი განსაკუთრებული უნარის მქონე პიროვნებაა (არ გამოვიყენებ სიტყვას - ინვალიდი).
ავტორი
სოფო ხვიბლიანი
სამედიცინო უნივერსიტეტის სტუდენტებს პოეტებმა, კიდევ ერთი საღამო ,,აჩუქეს"
სამედიცინო უნივერსიტეტში, სტუდენტებისთვის ლიტერატურული საღამო გაიმართა, რომლის ორგანიზატორიც, ამავე უნივერსიტეტის პრეზიდენტი კახა აბულაზე იყო, ხოლო ღონისძიება გიორგი მოსიაშვილს, ედუარდ უგულავს და ნათია ჯანაშიას მიჰყავდათ.
კახა აბულაძე: ღონისძიება სასწავლო წლის დაწყებას მიეძღვნა, ბევრი პირველი კურსელი გვყავს და გვინდა, მრავალფეროვანი გარემო დავახვედროთ. ეს ერთი ნაწილია, იმ ღონისძიებების ციკლიდან, რომელიც სტუდენტებს შევთავაზეთ.
– მსგავს ღონისძიებას წელიწადში რამდენჯერ ატარებთ?
– გასული წლის ნოემბრიდან დღემდე, უკვე ასოცდათვრამეტი ღონისძიება გვაქვს ჩატარებული და აქედან, ორმოცი პროცენტი კულტურულ ღონისძიებას შეადგენს.
– რა კრიტერიუმებით არჩევთ მონაწილეებს?
– ჩვენ ძალიან ბევრი მეგობარი გვყავს, რომლებთანაც, რამდენიმე წლის ურთიერთობა გვაკავშირებს, ისინი ჩვენთან უანგაროდ მოდიან და ცდილობენ სტუდენტებს ცხოვრება გაულამაზონ.
ავტორი
მზია კევლიშვილი
ლადო კახაძე: მშობიარობის სისხლი ყოველთვის ჩამოიბანება, აბორტის კი არასდროს მოგცილდება
ნათლობა, შვიდ საიდუმლოთაგან ერთ-ერთია, რითაც ადამიანი ცოდვებისგან განიწმინდება და მეორედ იბადება, ახალი სულიერი ცხოვრებისთვის. იოანეს ნათლისღება, იესოს ახალი ნათლობის შესახებ აუწყებს ხალხს: ,,მე თქვენ წყლით გნათლავთ... ის მოგნათლავთ თქვენ სული წმიდით და ცეცხლით". ნათლობა წყლის საშუალებით სრულდება. ეს პროცესი, წყლით განბანვას და ხელახლა დაბადებას გულისხმობს. ნათლიები ის პიროვნებები არიან, რომლებიც ეკლესიის წინაშე ვალდებულებას იღებენ, იზრუნონ ნათლულებზე და განამტკიცონ ისინი რწმენაში. ჟურნალ ,,ნათლიის" სტუმარია, "ოქსფორდ მედიქალ ჯორჯიას" ექიმი ექოსკოპისტი ბატონი ვლადიმერ კახაძე.
- ბატონო ვლადიმერ, როდის დაიწყო თქვენი მართმადიდებლური ცხოვრება?
- ამას დიდი წარსული აქვს. იმ დროს დავიბადე, როდესაც ათეისტური საზოგადოება კომუნიზმისთვის ემზადებოდა. ბებიამ გამზარდა და მანვე ჩამომაყალიბა ღვთისმოშიშ, მართმადიდებელ ადამიანად. არ მახსოვს ბებიას ლოცვის გარეშე დაეძინა. ის, ყოველ ღამე, უფალს ჩვენს თავს ავედრებდა, ხოლო გაღვიძებისას მადლობას უხდიდა. ბებიაჩემი, იმ ოჯახის შვილი გახლდათ, რომელსაც ათეისტურმა საზოგადოებამ, სარჩო-საბადებელი წაართვა, თუმცა მასში რწმენა ვერ ჩაკლა. ის ყოველთვის მასწავლიდა, რომ ავის ქმნით ზიანს საკუთარ თავს მივაყენებდი, რადგან უფალი ყველაფერს ხედავს.
ავტორი
გიორგი გაბაშვილი
რას „გვიმესიჯებენ“ საპრეზიდენტო კანდიდატები
2013 წლის 27 ოქტომბერს, საქართველოში, საპრეზიდენტო არჩევნებია. პრეზიდენტობის სურვილი საკმაოდ ბევრმა პირმა გამოთქვა.დროისათვის „ცესკომ“, უკვე 23 სუბიექტი დაარეგისტრირა. საარჩევნო სუბიექტების რეგისტრაციის ბოლო ვადა 27 სექტემბერია და ოფიციალურად იხსნება საარჩევნო კამპანია, თუმცა ,,კამპანია“ რეალურად დიდი ხანია დაიწყო.
27 ოქტომბერს, საქართველო, რიგით მეოთხე პრეზიდენტს ირჩევს. არჩევნებამდე ერთი თვეა დარჩენილი და საპრეზიდენტო საარჩევნო კამპანიის „მანქანები“, უფრო მეტი დატვირთვით ამუშავდნენ. მომავალ პრეზიდენტს უფრო შეკვეცილი უფლებები ექნება, ვიდრე დღევანდელს, (აღმასრულებელ ხელისუფლებას, პარლამენტს პრემიერ-მინისტრი წარუდგენს და სხვ.) თუმცა პრეზიდენტობის სურვილის 54-მდე პირმა გამოთქვა, მათგან 23 ,,ცესკომ“, უკვე დაარეგისტრირა. პრეზიდენტობის კანდიდატებს შორის არიან - ქართლოს ღარიბაშვილი, შალვა ნათელაშვილი, ნესტან კირთაძე, ავთანდილ მარგიანი, მიხეილ-გელა სალუაშვილი და სხვ.
პრეზიდენტობის სურვილს ქვეყნის ორი მთავარი პოლიტიკური ძალა გამოთქვავს. საპარლამენტო უმცირესობიდან, ,,ნაციონალური“ მოძრაობის კანდიდატია - დავით ბაქრაძე, ხოლო საპარლამენტო უმრავლესობის ,,ქართული ოცნების“ კანდიდატი - გიორგი მარგველაშვილი. სწორედ ეს ორი მიიჩნევიან მთავარ პრეტენდენტებად, თუმცა რეიტინგების მიხედვით, შანსი „დემოკრატიული მოძრაობა - ერთიანო საქართველო“-ს ლიდერს ნინო ბურჯანაძესაც აქვს.
ავტორი
თინათინ რეხვიაშვილი
ზაზა სიხარულიძე: როცა სიყვარულის ასაკი დგება, გული სხვანაირად ძგერს
ღვთისშვილთა კავშირის პრეზიდენტი, ბატონი ზაზა სიხარულიძე წლების წინ გავიცანი. მაშინ, აბიტურიენტი, ჟურნალისტობაზე მეოცნებე, პატარა გოგო ვიყავი. მან, 1989 წელს, ,,ღვთისშვილთა კავშირი“ დაარსა, რომელიც დღესაც, შეზღუდული შესაძლებლობების მქონე პირთა პრობლემების გადასაჭრელად აქტიურად მუშაობს. ,,ღვთისშვილთა კაშირმა“ , არაერთი საჭირო რეფორმა გაატარა, ინვალიდთა საზოგადოების სასიკეთოდ. მაგრამ გარდა ამ დეტალებისა, ბატონი ზაზას ცხოვრებიდან ბევრი რამ არის უცნობი. მას ინტერვიუს ჩამოსართმევად სტუმრად ვეწვიე.
- ბატონო ზაზა გაიხსენეთ თქვენი ბავშვობა.
- მიუხედავად იმისა, რომ ბავშვობიდან ინვალიდი, ცერებრალური დამბლით დაავადებული გახლავართ, ეს მაინც საოცარი წლებია. არ ვიცი რა არის ჯანსაღი ცხოვრება, თუმცა როცა ჯანმრთელი ადამიანი დაინვალიდდება, ის უფრო განიცდის თავის გაჭირვებასა და დაბრკოლებებს, კომპლექსდება. ვიდრე ის ადამიანი, ვინც არ იცის რა არის სიჯანსაღე. მიუხედავად ამისა, ვერ ვიტყვი, რომ ცუდი ბავშვობა მქონდა, პირიქით. 1960 წელს, ქალაქ ბათუმში დავიბადე. 1964 წლიდან კი თბილსიში ვცხოვრობ. კარგად მახსოვს, ის საოცარი დამოკიდებულება, რასაც, ჩემს მიმართ მეგობრები და მეზობლები ამჟღავნებდნენ. მათ გარეშე პიროვნება ვერ შევდგებოდი.
ბავშვობიდან მიყვარდა, წერა-კითხა, ვწერდი ლექსებს, მოთხრობებს, დღიურებს. განათლებას ვიღებდი, რადგან კარგად ვიცოდი, რომ საზოგადოებაში ჩემი ადაფტაციისთვის საჭირო განათლება იყო. ჩვეულებრივი სკოლა დავამთავრე, რასაც დიდი მნიშვნელობა ჰქონდა ჩემი რეაბილიტაციისათვის.
თარგმნა
მზია კევლიშვილმა
შეიძლება თუ არა, რომ პენსიაზე გასვლა თქვენი ჯამრთელობისთვის საშიში აღმოჩნდეს?!
2003 წელს, ექიმი ჰერი პროსენი, ვისკონსინის სამედიცინო კოლეჯიდან, ფსიქიატრიული განყოფილების ხელმძღვანელის თანამდებობიდან გადადგა, თუმცა 71 წლის ასაკში, მას ეს გეგმაში არ ჰქონია.
ახლა, 83 წლის პროსენი, კვლავ ხვდება პაციენტებს და კონსულტაციებს ატარებს, რიგი ორგანიზაციებისთვის. ცოტახნის წინ მან განიხილა 600 გვერდიანი ხელნაწერი მეგობრისთვის. ის, ასევე რეგულარულად კითხულობს სამედიცინო ჟურნალებს, რადგან სურს აქტიური ცხოვრების წესი შეინარჩუნოს.
ეს არ არის მხოლოდ სამუშაოს სიყვარული, რომელიც პროსენს კვირაში 30 საათს ართმევს. ის ამ საქმეში შრომის სიყვარულს გამოხატავს. ის ფიქრობს, რომ
თუ მთლიანად შეწყვეტს მუშაობას, ასე აუცილებლად დაიღუპება.
მას შეუძლია ყოველთვის აკეთოს რაიმე, სანამ ცოცხალია. რიგი კვლევები აჩვენებს, რომ პენსიაზე გასვლა ცუდია თვენიი ჯამრთელობისთვის.
2013 წლის მაისში, ლონდონის ეკონომიკური ინსტიტუტის მიერ ანგარიში გამოქვეყნდა, რომლის მიხედით, პენსიაზე გასვლა 40 % -მდე ზრდის შანსებს დეპრესიის, ხოლო გაიზარდა ალბათობა იმისა, რომ 60% -ში მინიმუმ ერთი დიაგნოზი, ფიზიკური სისუსტის, გამოწვეულია პენსიაზე გასვლით.
გაბრიელ სალგრენი, დირექტორი კვლევის ცენტრის და IEA -ს ანგარიშის ავტორი, იმ ფაქტმა განაცვიფრა, თუ რამდენად შეუძლია პენსიაზე გასვლამ შეარყიოს ადამიანის ჯამრთელობა. ის აკვირდებოდა 9.000 ადამიანს, 11 ევროკავშირის ქვეყნის მაშტაბით და აღმოაჩინა, რომ საზღვრებს მიღმაც, ადამიანების ჯამრთელობა, პენსიზე გასვლის გამო ზიანდება.
