 |
მკვლელობაში ბრალდებული ცხელ კვალზე დააკავეს
შსს-ს სამეგრელო-ზემო სვანეთის სამხარეო მთავარი სამმართველოს თანამშრომლებმა, ჩატარებული ოპერატიულ-საგამოძიებო ღონისძიების შედეგად, 1981 წელს დაბადებული ილია მ. მკვლელობის მცდელობის და განზრახ მკვლელობის ბრალდებით დააკავეს.
გამოძიებამ დაადგინა, რომ ალკოჰოლის ზემოქმედების ქვეშ მყოფმა ბრალდებულმა მიმდინარე წლის 1 აპრილს, ურთიერთშელაპარაკებისას, ცივი იარაღით დიეგო ყ-ს გულმკერდის არეში მრავლობითი ჭრილობა მიაყენა, ხოლო ზვიად ღ. მუცლის არეში დაჭრა და შემთხვევის ადგილიდან მიიმალა. დიეგო ყ. მიყენებული ჭრილობების შედეგად საავადმყოფოში მიყვანის შემდეგ, რამდენიმე საათში გარდაიცვალა, ხოლო ზვიად ღ. საავადმყოფოში განაგრძობს მკურნალობას.
სამართალდამცველებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, ბრალდებული დანაშაულის ჩადენიდან რამდენიმე საათში დააკავეს.
გამოძიება განზრახ მკვლელობის და განზრახ მკვლელობის მცდელობის ფაქტზე მიმდინარეობს (საქართველოს სსკ-ის 108-ე და 19-108-ე მუხლებით).
ავტორი
მეგი მაჭარაშვილი
ეკლესია და ბიოეთიკური საკითხები
საქართველოს პარლამენტის ეროვნული ბიბლიოთეკის საკონფერენციო დარბაზში, წმინდა პავლე მოციქულის სახელობის მართლმადიდებლური ღვთისმეტყველების ცენტრმა საჯარო ლექცია გამართა თემაზე – ეკლესია და ბიოეთიკური საკითხები.
მომხსენებლი გახლდათ მეცნიერებათა დოქტორი საეკლესიო სამართალში, მღვდელი ალექსი ქშუტაშვილი, რომელმაც ბიოეთიკური საკითხებისადმი ეკლესიის დამოკიდებულება საეკლესიო სამართლის განხრით წარმოადგინა.
წმინდა პავლე მოციქულის სახელობის მართლმადიდებლური ღვთისმეტყველების ცენტრის დამფუძნებელი სერგო ფარულავა გახლავთ.
„ჩვენი ცენტრის მიერ ჩატარებული, თითქმის ყველა ლექცია მიმართულია, სწორედ იმ საკითხებისადმი, რომლებიც ჩვენს რეალობაში არ არის გაშუქებული და უცნობია საზოგადოებისათვის, თუ როგორია ეკლესიის და ზოგადად მართლმადიდებლობის დამოკიდებულება ამა თუ იმ საკითხთან. მაგალითად ეკლესია და მეცნიერება; ეკლესია და სახელემწიფო ან ეკლესია და საზოგადოება, ხანდახან ზოგი თემის ცუდად ინტერპრეტირება ხდება და სამწუხაროდ ეს ცუდად ინტერპრეტირებული საზოგადოებმადე მიდის, როგორც წყალშეუვალი ჭეშმარიტება; ამისათვის ცენტრის მიერ ათობით უძლიერესი სტატია ითარგმნება: რუსულიდან, ინგლისურდან, ფრანგულიდან, ბერძნულიდან, იტალიურიდან, გერმანულიდან .’’– განაცხადა სერგო ფარულავამ.
საჯარო ლექციაზე დასწრება, თემატიკით დაინტერესებულ პირებს შეეძლოთ.
ავტორი
თიკო ბეკოშვილი
რა სურპრიზს ჰპირდება ანა მალაზონია მსმენელს?!
თოთხმეტი წლის ასაკში შესრულებულმა სიმღერამ - ,,მაგნოლია“, პოპულარობა და ხალხის დიდი სიყვარული მოუტანა. ერთ დროს თავადაც ემიგრანტი, ახლა უკვე ემიგრანტების საყვარელი მომღერალია. როგორ მოახერხა, ამ პატარა გოგონამ საზოგადოებაში ასე სწრაფად დამკვიდრება, ამას მისი ინტერვიუდან შეიტყობთ.
ანა მალაზონია: მოსკოვში დავიბადე და გავიზარდე, სამი წლიდან იქ ვმღეროდი, ამიტომ სიმღერების შესრულება, როგორც ქართულ, ასევე რუსულ ენებზე მიწევდა.
ავტორი
სოფო ხვიბლიანი
რაზე ოცნებობს სალომე ტეტიაშვალი და ვინ ინანებს მის დაკარგვას?!
მომღერალი სალომე ტეტიაშვილი, ,,youtube”-ის მეშვეობით გახდა ცნობილი. თავს ძალიან ბედნიერ ადამიანად მიიჩნევს, რადგან იმ საქმეს აკეთებს, რომელიც ძალიან უყვარს. ფიქრობს, რომ სიმღერამ მისი ცხოვრება რადიკალურად შეცვალა და დიდი სტიმული მისცა.
- სანამ საზოგადოებისთვის ცნობილი სახე გახდებოდით რას საქმიანობდით?
- კოლეჯში ვსწავლობდი და პარალელურად ტანსაცმლის მაღაზიაში, გამყიდველად ვმუშაობდი.
- ელოდით თუ არა, რომ თქვენს სიმღერას ასეთი აჟიოტაჟი მოჰყვებოდა და ვისი იდეა იყო ვიდეოს ,,youtube”-ზე ატვირთვა?
- ასეთ პოპულარობას ნამდვილად არ ველოდი. ეს ყველაფერი კი ბესო როსტიაშვილის იდეა იყო.
- არის თუ არა ვარსკვლავობა შემაწუხებელი?
- პირიქით, ბევრი დადებითი მხარე აქვს. ხალხი, რომელიც გისმენს და პატივს გცემს, ელოდება შენს ახალ ვიდეოს და კომენატრებით გესიყვარულება, ძალიან დიდი სტიმულია.
საყოველთაოდ ცნობილია, რომ 1994 წლიდან საქართველოში ყოველი წლის 15 აპრილი აღინიშნება როგორც სიყვარულის დღე, მისი დაარსებიდან 20 წელი გავიდა, მაგრამ ყველამ არ იცის ამ დღის ტრადიციად გადაქცევის ისტორია და მისი დამაარსებლის შესახებ, რომელიც რეალური ადამიანი, ჩვენი თანამემამულე, ქართველი ჟურნალისტი ბესო ჩუბინიძეა, რომელმაც 1993 წელს პირველ ქართულ დამოუკიდებელ ახალგაზრდულ გაზეთ „კოქტეილში“ გააკეთა განცხადება და დააფიქსირა საკუთარი იდეა, საქართველოში ერთი რომელიმე კონკრეტული დღე სიყვარულის დღედ აღნიშნულიყო, იდეა საზოგადოებას ამცნო და მთელი საქართველოდან შემოსული წინადადებების განხილვა საორგანიზაციო კომიტეტმა მაშინვე დაიწყო. როგორც ჩვენთან საუბარში ბ-ნი ბესო აცხადებს, რედაქციაში დღეში 100 სატელეფონო ზარი მაინც შემოდიოდა, უამრავი წერილი, ადამიანები პირდაპირ მოდიოდნენ ოპერას გვერდით ლაღიძის ქუჩაზე, სადაც ახალგაზრდული გაზეთის 20 კაციან კოლექტივს მაშინ რედაქცია ჰქონდა. ბესოს იდეა ხალხმა მაშინვე აიტაცა და კონკრეტული რიცხვის დასაფიქსირებლად, ადამიანები ყველანაირ ახსნას უძებნიდნენ შემოთავაზებულ დღეებს - 1 მარტი (როგორც გაზაფხულის პირველი დღე), 8 მარტი (ქალების დღე, რადგან ქალი ყველაზე მეტადაა სიყვარულის ობიექტი), 30 მაისი (როგორც გაზაფხულის უკანასკნელი დღე) და სხვა უამრავი, - რა თქმ აუნდა, შემოთავაზებებს შორის ყველაზე მეტად გაზაფხულის დღეები იყო. სწორედ ამ დროს გამოჩენილა იდეის ავტორთან პუბლიცისტი, საზოგადო მოღვაწე, ჟურნალისტი და მაშინდელი „პირველი არხის" თანამშრომელი, ხანშიშესული მამაკაცი - გიგა მახვილაძე, რომელმაც სიყვარულის დღის დაარსების იდეის ავტორს 15 აპრილის არჩევა შესთავაზა, როგორც გაზაფხულის შუა თვის შუა რიცხვის, მაშინ როცა ყველაზე ძლიერია გაზაფხული, როცა ის პიკზეა... და ბატონმა გიგა მახვილაძემ არც კი იცოდა, რამდენად საინტერესო დამთხვევა იყო ეს ყველაფერი, რადგან მან საერთოდ არ იცოდა, რომ ბესო სწორედ 15 აპრილს იყო დაბადებული... მას შემდეგ 20 წელი გავიდა და საქართველოს თითოეულმა მოქალაქემ იცის, რომ 15 აპრილს – გაზაფხულსი შუა თვის შუა რიცხვში სიყვარულის ლამაზ დღეს ავღნიშნავთ, ტრადიციის დამკვიდრებას მაშინ ხელი მაშინდელმა საქართველოს რეპუბლიკის პარლამენტმა და კულტურის კომისიამაც შეუწყო, 1994 წლის 8 აპრილის წერილით მათ ოფიციალურად აღიარეს 15 აპრილი სიყვარულის დღედ.
ავტორი
თიკო ბეკოშვილი
რატომ დატოვა ჯგუფი ,,ბანი“ ლევან გულბათაშვილმა?!
ცნობილი მომღერალი და რადიო წამყვანი ლევან (გულბათ) გულბათაშვილი ცნობილი გახდა დუეტით - ,,ვარსკვლავები“, რომელსაც მარიამ მაღრაძესთან ერთად ასრულებს. ბოლო თვეებია მათმა სიმღერებმა, როგორც რადიო, ასევე ინტერნეტ სივრცე დაიპყრო და MUS.GE-ს რეიტინგულ სიაშიც მოხვდა. თუმცა როგორც ყოველთვის, საზოგადოების კრიტიკას ვერც ისინი გადაურჩნენ... მასთან ინტერვიუს დროს შევიტყვე, რომ ფანდურასთან ერთად სიმღერის ჩაწერას აპირებს. რითაც მსმენელს რულიად განსხვავებულ და ორიგინალურ მუსიკას შესთავაზებს. თუმცა, ამაზე ჯერ არ საუბრობს და პირველი ჩვენი ჟურნალია, ვისაც ეს გაუმხილა.
სასჯელაღსრულების დეპარტამენტის თანამშრომელი ქრთამის აღების ფაქტზე დააკავეს
საქართველოს შინაგან საქმეთა სამინისტროს ანტიკორუფციული სააგენტოს და საქართველოს სასჯელაღსრულებისა და პრობაციის სამინისტროს სასჯელაღსრულების დეპარტამენტის თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე ამხილეს და დააკავეს სასჯელაღსრულების დეპარტამენტის N19 დაწესებულების კონტროლიორი პაატა ლომიძე.
გამოძიებამ დაადგინა, რომ პაატა ლომიძემ თანამდებობრივი უფლება-მოვალეობების შესრულებისას, თავისი თანამდებობრივი ავტორიტეტის გამოყენებით, მოქალაქეს N19 დაწესებულებაში მობილური ტელეფონის და სიმბარათების შეტანის სანაცვლოდ ქრთამის სახით მოსთხოვა და გამოართვა 4 000 ლარი.
გამოძიება ქრთამის აღების ფაქტზე მიმდინარეობს (საქართველოს სსკ-ის 338-ე მუხლის 1-ლი ნაწილით, რაც 6-დან 9 წლამდე თავისუფლების აღკვეთას ითვალისწინებს).
რა უპასუხა გიორგი ვაშაძის ბრალდებას საქართველოს იუსტიციის უმაღლესმა საბჭომ?!
,,ერთიანი ნაციონალური მოძრაობის“ ოფისში გამართულ პრესკონფერენციაზე საქართველოს პარლამენტის წევრმა, ბატონმა გიორგი ვაშაძემ საქართველოს საერთო სასამართლოების მოსამართლეებს - დავით ახალბედაშვილს, მალხაზ გურულს და მორის ფუხაშვილს პოლიტიკური დაკვეთის შესრულებაში დასდო ბრალი.
ყველას შევახსენებთ, რომ ,,საერთო სასამართლოების შესახებ“ საქართველოს ორგანული კანონის მე-7 მუხლის თანახმად, მოსამართლე თავის საქმიანობაში დამოუკიდებელია, ხოლო ამავე კანონის მე-8 მუხლის შესაბამისად, სახელმწიფო თუ ადგილობრივი თვითმმართველობის ორგანოს, დაწესებულებას, საზოგადოებრივ თუ პოლიტიკურ გაერთიანებას, თანამდებობის პირს, იურიდიულ თუ ფიზიკურ პირს ეკრძალებათ სასამართლოს დამოუკიდებლობის შელახვა. მოსამართლეზე რაიმე ზემოქმედება ან მის საქმიანობაში ჩარევა გადაწყვეტილების მიღებაზე ზეგავლენის მიზნით აკრძალულია და ისჯება კანონით.
მოამზადა
ნათია რევაზიშვილმა
რა დავალებას მისცემს პრემიერი დავით ნარმანიას მერად არჩევის შემთხვევაში
საქართველოს პრემიერ-მინისტრი თბილისის გზებზე არსებულ მდგომარეობას დედაქალაქის მერიის საბოტაჟად აფასებს.
როგორც ირაკლი ღარიბაშვილმა მთავრობის დღევანდელ სხდომაზე განაცხადა, მისი ინფორმაციით, მთელი წლის განმავლობაში, თბილისში არც ერთი გზა არ შეკეთებულა.
პრემიერი ვარაუდობს, რომ დავით ნარმანიას, თბილისის მერად არჩევის შემდეგ, ამ მიმართულებით ბევრი სამუშაო ექნება.
,,მას შემდეგ, რაც დავით ნარმანიას თბილისის მერად ავირჩევთ, პირველი დავალება, რასაც თბილისელები მისცემენ, გზების დაუყოვნებლივ შეკეთების დაწყება იქნება. როგორც გავიგე, მთელი წლის განმავლობაში არც ერთი გზა არ შეკეთებულა. ეს, ალბათ შეგნებულად ხდება. სამწუხაროა, რომ მთელი წლის განმავლობაში თბილისის მერია ამას არ აკეთებდა, რაც პირდაპირი საბოტაჟია. ეს დღესაც გრძელდება, ასე, რომ, ბატონო დავით, ბევრი საქმე გექნებათ“, - მიმართა პრემიერმა დავით ნარმანიას მთავრობის სხდომაზე.
მოამზადა
ნათია რევაზიშვილმა
პუტინის რეიტინგმა 9,7%-ით მოიმატა
რუსეთის პრეზიდენტ ვლადიმერ პუტინის რეიტინგმა რუსეთში მაქსიმუმს მიაღწია.
როგორც რუსული მედია წერს, იმ ადამიანების რიცხვმა, რომლებიც რუსეთის პრეზიდენტის საქმიანობას დადებითად აფასებენ, 71,6%-ს მიაღწია, რაც ბოლო სამი წლის განმავლობაში ყველაზე მაღალი მაჩვენებელია. რუსეთის საზოგადოებრივი აზრის კვლევის ცენტში აცხადებენ, რომ პუტინის რეიტინგმა სოჭის ოლიმპიადისა და უკრაინის მოვლენების ფონზე მოიმატა.
გურჯაანში პროსტიტუციისთვის ადგილის გადაცემის ბრალდებით ერთი პირი დააკავა
შსს-ს კახეთის სამხარეო მთავარი სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიებების შედეგად, 1953 წელს დაბადებული ნელი ხ. პროსტიტუციისთვის ადგილის გადაცემის ბრალდებით დააკავეს.
გამოძიებამ დაადგინა, რომ ნელი ხ. გურჯაანში, გურამიშვილის ქუჩაზე, საკუთარი საცხოვრებელი ბინის ოთახებს, გარკვეული გასამრჯელოს სანაცვლოდ, პროსტიტუციისთვის აქირავებდა. იგი ასევე ხელს უწყობდა პროსტიტუციაში ჩაბმულ ქალბატონებს კლიენტების მოძებნაში.
სამართალდამცველებმა მოწმის სტატუსით ოთხი ქალბატონი დაკითხეს.
ბრალდებული აღიარებს ჩადენილ დანაშაულს.
გამოძიება პროსტიტუციისთვის ადგილის ან საცხოვრებლის გადაცემის ფაქტზე მიმდინარეობს (საქართველოს სსკ-ის 254-ე მუხლით).
პოლიციამ იმერეთში საბრძოლო მასალა ამოიღო
შინაგან საქმეთა სამინისტროს ცენტრალური კრიმინალური პოლიციის დეპარტამენტის იმერეთის სამხარეო სამმართველოს თანამშრომლებმა, ჩატარებული სპეციალური ოპერატიული ღონისძიების შედეგად, 1984 დაბადებული გიგა მ. საბრძოლო მასალის მართლსაწინააღმდეგო შეძენა-შენახვის ბრალდებით დააკავეს.
სამართალდამცველებმა ბაღდათის რაიონის სოფელ პირველ ობჩაში, დაკავებულის საცხოვრებელი სახლის ჩხრეკისას ავტომატური ცეცხლსასროლი იარაღის 134 ცალი საბრძოლო ვაზნა და „ერ-გე-დე 5“-ის ტიპის 1 ცალი ხელყუმბარა ამოიღეს.
დაკავებული აღიარებს ჩადენილ დანაშაულს.
გამოძიება საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (საქართველოს სსკ–ს 236-ე მუხლის 1-ლი ნაწილით).
