 |
ქართული ელიტის პოეტები - წმინდა ილია მართლის (ჭავჭავაძე) გაზეთ ,,ივერიის" სახელობის პროზა-პოეზიის ლიტერატურული პრემია ,,ივერია"
პროექტი ხორციელდება სრულიად საქართველოს კათოლიკოს პატრიარქის, ცხუმ-აფხაზეთისა და ბიჭვინთის მიტროპოლიტის, უწმინდესისა და უნეტარესის, ილია II ლოცვა კურთხევით
პროექტის მიზანი და შინაარსი საქართველოს პოეტების, მწერლების, ხატმწერების, მხატვრების და ფოტოხელოვანების, მათ შორის საქართველოში მოღვაწე უცხოელი დიპლომატების შემოქმედების პოპულარიზაცია გახლავთ. ,,ივერიის" პრემიისთვის ყოველ თვე მონაწილეობას მიიღებს ერთი განსაკუთრებული შესაძლებლობის მქონე ადამიანი (შეზღუდული შესაძლებლობების მქონე პირი), ერთი მსჯავრდებული (პატიმრები), ერთი სასულიერო პირი, ოთხი (,,ჩვეულებრივი") პოეტი და სხვა. ყოველ საღამოზე წაიკითხება და ასევე ჟურნალ ,,ქართულ ელიტაში" დაიბეჭდება ერთი ქართველი კლასიკოსის ლექსები. პირველი წლის პროექტში, - წელიწადეულ კრებულში შევა ქართველი კლასიკოსების შემოქმედება: ილია ჭავჭავაძე, შოთა რუსთაველი, აკაკი წერეთელი, ვაჟა ფშაველა, გალაკტიონ ტაბიძე, დავით გურამიშვილი, ნიკოლოზ ბარათაშვილი, მუხრან მაჭავარიანი, ანა კალანდაძე, გიორგი ლეონიძე, ტერენტი გრანელი, ლადო ასათიანი.
ყოველ თვე, მონაწილე პოეტებისა და მწერლების შემოქმედება (ასევე ხატმწერების, მხატვრების, ფოტოხელოვნების შემოქმედება) დაიბეჭდება ჟურნალ ,,ქართულ ელიტაში", რომელთა საღამოებიც გაიმართება თვეში ერთხელ, საქართველოს სხვადასხვა ადგილას. ერთი წლის განმავლობაში შემოსული მასალები გადაიბეჭდება წელიწადეულ წიგნში, ავტორთა ბიოგრაფიებთან ერთად. წლის განმავლობაში, ყოველ პოეტურ საღამოს გაალამაზებს ერთი ხატმწერის, ერთი მხატვრის და ერთიც ფოტოხელოვანის შვიდ-შვიდი ნამუშევრი, რომელთა შემოქმედებაც დაიკავებს, ასევე ღირსეულ ადგილს წელიწადეულ კრებულში. სულ, ერთი წლის მანძილზე, მონაწილე იქნება 12 ხატმწერი, 12 მხატვარი, 12 ფოტოხელოვანი, 84 პოეტი და მწერალი.
მოამზადა
გიორგი გაბაშვილმა
მიხეილ სააკაშვილი: „მე ყველაფრის თავიდან დაწყებას ვაპირებ, მე არ ვარ დაღლილი და არ მჭირდება დასვენება, მაგრამ ჩემს ხალხს სჭირდება დასვენება ჩემგან“.
(washingtonpost-ის სარედაქციო წერილი)
ზუსტად 10 წლის წინ, ნოემბრის ბოლო კვირაში, ახალგაზრდა იურისტმა მიხეილ სააკაშვილმა, არჩევნების გაყალბების გამო დაწყებული აქციები რევოლუციით დაასრულა და კორუფციული რეჟიმი სულ მალე მისმა გუნდმა ჩაანაცვლა, ხოლო თვთონ 35 წლის ასაკში საქართველოს პრეზიდენტი გახდა. „ვარდების რევოლუციას“ ერთი წლის შემდეგ, უკრაინაშიც მოჰყვა რევოლუცია და ეს ორი ქვეყანა პრო-დასავლური გზით წავიდა, რაც დასაწყისშივე არ მოსწონდათ მოსკოვში.
10 წლის შემდეგ კი ბევრი რამ შეიცვალა. გასულ კვირას უკრაინის მთავრობამ უარი თქვა ევროკავშირთან ასოცირების ხელშეკრულების პარაფირებაზე და საკმაოდ „გაახარა“ კრემლი. უკრაინას წინ უძღოდა სომხეთი, რომელიც შემოდგომაზე გახდა ზეწოლის ობიექტი პუტინის მხრიდან. ასე რომ, მხოლოდ მოლდოვა და სააკაშვილის საქართველო განაგრძობენ სწრაფვას ევროკავშირისკენ.
ავტორი
თინათინ რეხვიაშვილი
პატარა ოჯახის დიდი კორიფეები
თბილისის ხანდაზმულთა პანსიონატის ფილიალის უფროსი, ქალბატონი დარეჯან თომაძე, წლების წინ, ერთ-ერთი საქველმოქმედო მარათონის მზადების დროს გავიცანი. იგი მრავალი წლის განმავლობაში, დუშეთის ბავშვთა სახლის დირექტორი გახლდათ. თბილი და მოსიყვარულე, გასაოცარი ფენომენის მქონე პიროვნებაა, რომელიც გულში ჩაგიხუტებს და შენი სულის მწარე იარებს განკურნავს. გაიხდის საკუთარ ტანისამოსს, იმისათვის, რომ სხვას არ შესცივდეს. ახლა, უკვე აქ ვგრძნობთ მის ჩვეულ სიყვარულსა და სითბოს, რასაც თანაბრად უნაწილებს დიდსა, თუ პატარას. დღეს, ჩვენს ლამაზ ოჯახში, არაერთი ღვაწლმოსილი ადამიანი ცხოვრობს. ქალბატონი დარეჯანი კი, ამ პატარა ოჯახის დიდი კორიფეების ღირსეული და თავდადებული პატრონია.
- როგორ დაიწყო თქვენი ურთიერთობა განსაკუთრებული უნარის მქონე ადამიანებთან?
- 25 წელი, საბავშვო ბაღის დირექტორად ვიმუშავე, რომელიც ბოლო 5 წელი საპილოტე ბაღად გადაკეთდა და ინკლუზიური სწავლება დავიწყეთ. ამიტომ, ჩემთვის ახალი არ იყო, ასეთ ბენეფიციარებთან ურთიერთობა. შემდგომ, ბავშვთა სახლის დირექტორად გადავედი, მაგრამ ეს ბავშვთა სახლი მალევე დაიხურა. შეიქმნა საშიშროება იმისა, რომ 35 თანამშრომელი უმუშევარი დარჩენილიყო. გამოვნახე გამოსავალი და გავხსენი შეზღუდული შესაძლებლობის მქონე პირთა პანსიონატი დუშეთში. რაც ძალიან რთული იყო, მაგრამ სახელმწიფოს მხრიდან უდიდესი მხარდაჭერა მქონდა. მათი დახმარებით შენობის გარემონტება და მისი სრული ადაპტირება შევძელი. სანამ ზემოთ ხსენებულ პანსიონატს გავხსნიდი, ვხვდებოდი ყველას საბავშვო ბაღისა, თუ სკოლის დირექტორებს და ვუხსნიდი, რომ უნდა გახსნილიყო ,,შშმპ პანსიონატი" და ვთხოვდი, ყოფილიყვნენ მოწყალენი, მიმტევებელნი. შეიძლება მათ რაღაც შეეშალოთ, შეიძლება არასწორად მოიქცნენ, მაგრამ ჰყავთ დედა, ჩემი სახით, რომელიც მათ მიერ ჩადენილ ყველა საქციელზე პასუხს აგებს. ჩემი ბენეფიციარების 99%-ი დედას არ იცნობდა, ისინი ყველა ბავშვთა სახლში გაზრდილები იყვნენ, ამიტომ დედას მე მეძახდნენ და მეც შესაბამისად ვიქცეოდი. ისე კარგად მოხდა ამ ბავშვების ადაპტირება საზოგადოებასთან, რომ ერთი პრობლემაც კი არ გამჩენია. ეს წლები ყველაზე დასამახსოვრებელი და ნაყოფიერი იყო, ჩემი 35 წლიანი სამუშაო პრაქტიკიდან. შემდეგ, მოულოდნელად ,,თბილისის ხანდაზმულთა პანსიონატში", სამუშაოდ გადმოსვლა მომიწია. ძალიან გამიჭირდა მათი დატოვება, მაგრამ ჩვენი დედა-შვილური და თბილი ურთიერთობა, დღემდე გრძელდება.
მსოფლიო მაკაბიადა თბილისში
2013 წლის 27 ნოემბერს, 11 საათზე, საქართველოს სპორტისა და ახალგაზრდულ საქმეთა სამინისტროს საპრესკონფერენციო დარბაზში იმართება „WORLD MACCABI CUP 2014”-სადმი მიძღვნილი პრესკონფერენცია. საქართველოს მხრიდან ესწრებიან საქართველოს სპორტისა და ახალგაზრდულ საქმეთა მინისტრი ბატონი ლევან ყიფიანი, სახელმწიფო წარმომადგენლები ჯამლეტ ხუხაშვილი და კახა ბასილია. ისრაელიდან მსოფლიოს ქართველ-ებრაელთა კონგრესის პრეზიდენტი გაბრიელ მირელაშვილი, ისრაელის კარატეს ფედერაციის პრეზიდენტი გაბი მიხეილი და ასევე ისრაელის სამთავრობო დელეგაცია 4 კაცის შემადგენლობით. მსოფლიო მაკაბის თასი გაიმართება 2014 წლის 18-19 ოქტომბერს ქ.თბილისში და მონაწილეობას მიიღებს 55 ქვეყნის ნაკრები გუნდი. ორგანიზატორები არიან: მსოფლიოს მაკაბის კავშირი მსოფლიოს კარატეს ფედერაცია საქართველოს სპორტის სამინისტრო ქ. თბილისის მერია.
ავტორი
მეგი მაჭარაშვილი
დეკანოზ ანდრია ნაცვლიშვილის ნახატების გამოფენა
საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში, დეკანოზ ანდრეა ნაცვლიშვილის პერსონალური გამოფენა გაიმართა, რომელიც სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, ილია II-ს მიეძღვნა.
გამოფენაზე წარმოდგენილი იყო ფერწერასა და გრაფიკაში შესრულებული, ოთხმოცი ნამუშევარი.
„თუ ადამიანში უფალი არ არის, ის ვერასდროს ვერაფერს მიაღწევს, გარდა თავისი ხორციელი მიზნებისა. ვცდილობდი ჩემს ნახატებში უფალი ყოფილიყო, იმისათვის რომ ადამიანს სჭირდება განათლება, შემეცნება. მინდოდა, ყველას დაენახა სითბო, სიყვარული. ჩემს ნახატებში ყველაფერი გულიდან არის წამოსული.“ - განაცხადა დეკანოზ ანდრეა ნაცვლიშვილმა.
ექსპოზიციის მხარდამჭერები იყვნენ: საქართველოს კულტურისა და ძეგლთა დაცვის სამინისტრო, საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრი.
ავტორი
გიორგი გაბაშვილი
მსოფლიო პრესა ქართულ პოლიტიკაზე - საინტერესო ფაქტები
ამერიკულმა გამოცემა ,,Times“-მა ვრცელი წერილი მიუძღვნა საქართველოს მეოთხე პრეზიდენტის ინაუგურაციას. სტატია, სათაურით „მარგველაშვილი - ახალი პრეზიდენტი“ ინაუგურაციის პროცედურებს, კონსტიტუციაში შესულ ცვლილებებსა და მარგველაშვილის პიროვნებას ეხება. ავტორი წერს, რომ ფილოსოფოსი მარგველაშვილი საინტერესო სიტყვით გამოვიდა და საპრეზიდენტო ფიცის დადების შემდეგ, პირდაპირ ბიძინა ივანიშვილთან მივიდა.
პირველი მილოცვა სწორედ მისგან მიიღო.
„შენ უკვე პრეზიდენტი ხარ“ - ასე მიულოცა პრემიერმა პრეზიდენტს პოსტის დაკავება“ - წერს სტატიის ავტორი.
პოლიტიკურ სიტუაციას ეხმიანება ასევე ,,The Washington post“. ინაუგურაციის გარდა, სტატიაში, ახალი პრემიერ მინისტრის - ირაკლი ღარიბაშვილის ფიგურაზეა საუბარი. ღარიბაშვილი ნახსენებია, როგორც ბიძინა ივანიშვილის გუნდის წევრი.
„ის არაა პოლიტიკოსი, მას ივანიშვილი ენდობა“ - წერს ავტორი. 31 წლის ირაკლი ღარიბაშვილზე ინფორმაციის მოპოვება, როგორც ავტორი წერს, ძალიან რთულია.
იმ ფონზე, როცა ამერიკული პრესის ეს ნაწილი პოლიტიკურ ვითარებაზე ანალიზს გვთავაზობს, საინტერესოა რუსული პრესის დამოკიდებულება, ქვეყანაში მიმდინარე პოლიტიკურ ცვლილებებსა და ვითარებაზე.
ავტორი
მეგი მაჭარაშვილი
ლევან ჭოღოშვილი: ჩემი ოცნება ხელოვნებაში დეზინფორმაციის მოსპობაა
1953 წელს დაბადებულ მხატვარს, ლევან ჭოღოშვილს ცხოვრება საბჭოთა რეჟიმში მოუწია. სამხატვრო განათლება აკადემიაში მიიღო, მიუხედავად იმისა, რომ მშობლის არჩევანით არქიტექტურულზე სწავლობდა, გადაწყვიტა ფერწერაზე გადასულიყო და ასეც მოხდა... ამბობს, რომ გაუმართლა, იმ პერიოდში მოუწია მოღვაწეობა, როდესაც ხელოვნება დიდ ინტერესს იწვევდა.
ლევან ჭოღოშვილი გახლდათ, ივანე ჯავახიშვილის თბილისის სახელმწიფო უნივერსიტეტის ხელოვნების დეპარტამენტის პროფესორი (1986–1988) და თბილისის სახელმწიფო სამხატვრო აკადემიის პროფესორი. (1997–2007) ფოტოგრაფიისა და ახალი მედიების კავკასიის ინსტიტუტის დამფუძნებელი და პროფესორი (2001–2005).
- ხატვა როდის დაიწყეთ?
- ბავშვობაში ნახატებს ვასურათებდი, 4 წლის ასაკში დავხატე ამირანისა და გველეშაპის შებრძოლება, ეს იყო ჩემი პირველი ნახატი.
ორი ბიძა მყავდა მხატვარი: ოთარ ანდრონიკაშვილი და შალვა მაყაშვილი, გარდა ამისა მხატვრების გარემოში ვიზრდებოდი. მახსოვს, მამამ მოსკოვში წამიყვანა და ფაქტობრივად ყველა მუზეუმი დამათვალიერებინა, პარალელურად მიკითხავდა თეორიას: ბერძნულსა და გერმანულ მითებს, ამან ჩემზე დიდი ზეგავლენა მოახდინა. ჩემი ნახატები ახლობლების მოწონებას იმსახურებდა და დროთა განმავლობაში მივხვდი, რომ მხატვარი უნდა ვყოფილიყავი.
ავტორი
გიორგი გაბაშვილი
რა ბედი ეწევა ავლაბრის რეზიდენციას?
საქართველოს ახალმა პრეზიდენტმა - გიორგი მარგველაშვლმა გადაწყვიტა, სამუშაოდ არ შევიდეს იმ საპრეზიდენტო სასახლეში, რომელშიც პრეზიდენტი სააკაშვილი ასრულებდა მოვალეობას. მარგველაშვილმა ამის მიზეზად, სასახლის პომპეზურობა დაასახელა და განაცხადა, რომ საქართველოს მსგავსი ქვეყნისთვის მიუღებელია ძვირად ღირებული რეზიდენცია. მარგველაშვილმა მუშაობა კანცელარიის შენობაში დაიწყო. მომავალში კი რეზიდენციის აშენება, ყოფილი ამერიკის საელჩოს ტერიტორიაზე ათონელის ქუჩაზე იგეგმება.
საინტერესოა, რომ პრეზიდენტმა სააკაშვილმა ავლაბრის რეზიდენცია სპეციალურად პრეზიდენტის ინსტიტუტისთვის ააშენებინა. ავლაბრის რეზიდენცია მთელ თბილისს გადმოჰყურებს და ხშირად გვინახავს თავმომწონე პრეზიდენტი სააკაშვილი, რომელიც უცხოელ სტუმრებს რეზიდენციის აივნებზე ემუსაიფებოდა. ავლაბრის რეზიდენცია სააკაშვილის მმართველობის პერიოდში ჩამოყალიბდა ერთგვარ „ქართულ სახლად“. აქ მან მსოფლიოს მრავალი პოლიტიკური ლიდერი მიიღო, შოუ-ბიზნესის წარმომადგენლები და სხვა. ასევე ამ კედლებში იქნა გადაღებული ფილმ „აგვისტოს 5 დღის“ რამდენიმე ეპიზოდი.
ამბობენ, რომ ავლაბრის რეზიდენცია განათლების სამინისტროს გადაეცემა და შესაძლოა უნივერსტეტიც განთავსდეს. ამ იდეას საზოგადეობისა და პოლიტიკოსების წინააღმდეგობა მოჰყვა. მოწინააღმდეგეთა აზრით, რეზიდენციაში უნივერსიტეტის განთავსება არახელსაყრელი იქნება, როგორც მატერიალური კუთხით, ასევე ესთეტიური თვალსაზრისით.
ავტორი
სოფო ხვიბლიანი
რატომ თქვა უარი პროექტ „ცეკვავენ ვარსკვლავებში“ მონაწილეობაზე გიორგი გაჩეჩილაძემ?!
მისთვის ცეკვა ყველაფერია, საზოგადოებას თავი პროექტ ,,ცეკვავენ ვარსკვლავებიდან“ დაამახსოვრა. ის დღესაც თავის საყვარელ საქმეს აკეთებს და სტუდია ,,თელაში“ ცეკვას ასწავლის.
- სანამ საზოგადოებისთვის ცნობილი სახე გახდებოდით რას საქმიანობდით?
- მე და სალომე ჭაჭუა, სხვადასხვა კონკურსებში ვიღებდით მონაწილებას. ფინალში, მსოფლიო ჩემფიონატშიც გავსულვართ და საპრიზო ადგილებიც აგვიღია. საქართველოში კი თითქმის, ყოველთვის პირველ ადგილზე გავდიოდით.
- როგორ მოხვდით „ცეკვავენ ვარსკვლავების“ პირველ სეზონში?
- ამ პროექტში, რომ მონაწილეობა მივიღე, ლელა წურწუმიას დამსახურებაა. მან მოითხოვა, მისი პარტნიორი ვყოფილიყავი. თუმცა პრობლემა ის იყო, რომ ცეკვისთვის თავი მქონდა დანებებული და წონაში მომატებული ვიყავი, ამიტომ ერთ კვირაში მომიწია ფორმაში ჩადგომა.
ავტორი
მეგი მაჭარაშვილი
პროექტი - „ვისაუბროთ წიგნებზე“
საქართველოს პარლამენტის ეროვნული ბიბლიოთეკის საკონფერენციო დარბაზში, ევროკავშირის კულტურის კვირეულის ფარგლებში, მიმდინარე პროექტის - „ვისაუბროთ წიგნებზე“ - დასკვნითი ღონისძიება გაიმართა.
პროექტი „ვისაუბროთ წიგნებზე" 4 ნოემბერს დაიწყო. იგი სხვადასხვა ღონისძიებას მოიცავს, რომელთა მიზანია კითხვის წახალისება, ევროპული ლიტერატურის უკეთ გაცნობა.
„წიგნის პლატფორმა“ - ეს პროექტი ბიბლიოთეკების მნიშვნელობის ხასგასმაა, სტუდენტები სხვადასხვა ფორმით იყვნენ ჩართულნი. რაც შეეხება მიზანს, მთავარი მოტივია რეგიონალური მიმართულებით მუშაობა: ხელს უწყობს წიგნის სექტორის განვითარებას საქართველოში, სომხეთსა და უკრაინაში, ღია კულტურული კომუნიკაციის ჩამოყალიბებასა და პროფესიონალური კონტაქტების გაღრმავებას.
წიგნის სექტორის ხელშეწყობა: მთარგმნელები, მწერლები, საერთაშორისო კავშირები, ონლაინ რესურსები.
ღონისძიებაზე მყოფ სტუმრებს შორის დისკუსია გაიმართა, წიგნის კითხვის კულტურის აუცილებლობასა და საკითხავი ლიტერატურის გავრცელებაზე, ქართული ლიტერატურის პოპულარიზაციაზე.
ღონისძიების ორგანიზატორია ევროკავშირის წარმომადგენლობა საქართველოში, ევროკავშირის წევრი ქვეყნების საელჩოები და კულტურის ინსტიტუტები.
პროექტის მხარდამჭერები: „დიოგენე“ და „ბაკურ სულაკაურის გამომცემლობა“.
ავტორი
მეგი მაჭარაშვილი
აბდალა ომარის - „ომის ხიბლი“ - გახსნილია
საქართველოს პარლამენტის ეროვნულ ბიბლიოთეკაში, სირიელი მხატვრის აბდალა ომარის გამოფენა „ომის ხიბლი“ გაიხსნა.
გამოფენაზე ომში დაზარალებული ბავშვების პორტრეტები იყო წარმოდგენილი. თითოეული ნახატი რთულ ფსიქოლოგიურ მდგომარეობას ასახავს, ბავშვების სახე მეტყველია, მათი ტკივილიანი სახე, მხატვრული ხერხების მეშვეობით სიღრმისეულ სილამაზეს იძენს.
2012 წლის 10 ივლისს, ლიინ ალ ფალოუჯი, ექვსი წლის ბავშვი ქალაქ დარადან, ძალისმიერი შეტაკების დროს შემთხვევით თავში დაიჭრა. ამ ნამუშევარს მხატვარმა „ჯასმინის გასროლა“ უწოდა.
ოთხი თვის წინ, სირიელ ლტოლვილთა რაოდენობამ ერთ მილიონს მიაღწია, დღეისათვის ეს რაოდენობა გაორმაგებულია.
ერთ-ერთ ნამუშევარში , ზაათარის (იორდანიაში) ლტოლვილთა ბანაკის ორი მორცხვი გოგონა ჟურნალისტებისთვის პოზირებს.
,,კონფლიქტების დროს ბავშვები ხშრად სიბნელეში, მედიისა და მსოფლიოს ყურადღების ცენტრს მიღმა რჩებიან. მათი სუსტი ხმა ვერ წვდება ჩვენს სმენას, უცხოა აღსაქმელად. პატარებს არ აინტერესებთ უფროსების ,,თამაში“ სახელად „ომები", მათ თავიანთი მხიარული, ბავშვური თამაშები სურთ" - ამბობს მხატვარი ომარ აბდალა.
მხატვრის ნამუშევრებმა დამთვალიერებელთა აღფრთოვანება გამოიწვია.
გამოფენა 19 ნოემბრამდე გაგრძელდება.
ავტორი
თინათინ ბეკოშვილი
,,კამერტონის" - ,,ოლივერი" და დიდი სცენის პატარა არტისტები
ახლახანს, სულხან ცინცაძის სახელობის მეთექვსმეტე სახელოვნებო სკოლის სტუდია ,,კამერტონმა“, ახმეტელის თეატრში, მიუზიკლი „ოლივერი“დადგა. იგი საქართველოში პირველად დაიდგა. სპექტაკლი საქველმოქმედო იყო და შემოსული თანხა ლეიკემიით დავადებულ ბავშვთა ფონდში ჩაირიცხა.
- მოგვიყევით როგორ გაჩნდა „ოლივერის“ დადგმის იდეა?
თამუნა გვაზავა: - ჩემი ოცნება იყო საქართველოში მიუზიკლები დადგმულიყო. ვგრძნობდი, რომ საზოგადოებას ეს აკლდა. სტუდიის გახსნის დღიდან, სურვილი მქონდა, საბოლოო შედეგი სწორედ ის ყოფილიყო, რაც დღეს მოხდა. თავიდან, როცა ბავშვებთან მუშაობა დავიწყე, პატარ-პატარა მიუზიკლებს ვდგამდით. აუცილებლად უნდა გამეკეთებინა „პიტერ პენი“, რადგან ეს პატარებშიც და დიდებშიც დიდ ინტერესს გამოიწვევდა. ეს არის თემა, სადაც შინაგანად სულ ბავშვი ხარ და არ იზრდები. ამიტომ გადავწყვიტე, რომ ეს პირველად საქართველოში, ქართულ ენაზე გამეკეთებინა.
ბავშვებმა მაქსიმუმი გააკეთეს. ძალიან რთული რეპეტიციების შედეგად, ყველა თავიდან ბოლომდე დავიხარჯეთ. დიდ მადლობას ვუხდი პედაგოგების ჯგუფს: სალომე ლაფერაძეს, ეკატერინე ჩინჩალაძეს, ნინო გვაზავას, თამარ ჟორდანიას და გეგა ქურციკიძეს.
