ბოლო ხანს ,,თინეიჯერებში" მოდაში შემოვიდა საკუთარი ფეისბუქ–გვერდების შექმნა, სადაც მათივე გადაღებული ვიდეოებით სოციალურ ქსელში პოპულარობას აღწევენ. ეს ჯგუფები ხშირად ერთმანეთის კონკურენტები ხდებიან, უკეთეს შემთხვევაში კი მეგობრები და თანამოაზრეებიც. მიუხედავად ყველაფრისა უმთავრესი მაინც ის არის, რომ ისინი ადრეული ასაკიდან, საკუთარი ნიჭის და შესაძლებლობების წარმოჩენას ცდილობენ. ჩვენი ჟურნალი geoelite.ge მკითხველისათვის ერთ–ერთი ასეთი ჯგუფის გაცნობას შეეცადა, რომლებიც ,,თინეიჯერებში" პოპულარობით სარგებლობენ. ბიჭების ასაკი 12–18 წლამდეა, ისინი ცნობილები საკუთარი ვიდეოებით გახდნენ და სოციალურ გქსელში ბევრი თაყვანისმცემელიც ჰყავთ. 

ფიქრობს, რომ ძალიან მესაკუთრეა. იმდენად მესაკუთრე, რომ არ უნდა მისნაირი ფანდური ვინმეს ჰქონდეს, ამიტომ თვითონ გამოიგონა ისეთი, რომელიც აქამდე არ ყოფილა. სამ სიმიანი ფანდური ექვს სიმიანად გადააკეთა. ამ ამბით ჟურნალი geoelite.ge დაინტერესდა და მუსიკოს ზურაბ ბარბაქაძეს (ფანდურას) ესტუმრა. გადავწყვიტეთ ფანდურა მკითხველს იმ კუთხით გავაცნოთ, როგორსაც ჯერ არ იცნობს.

მოთხრობა ,,სწორი თეთრი ხაზი" პირველად სკოლაში წავიკითხე, მას შემდეგ მომინდა გოდერძი ჩოხელის შემოქმედებასა და ბიოგრაფიას სრულად გავცნობოდი. მის მოთხრობებში ჩემი შინაგანი სამყარო, ჩემი მეორე მე დავინახე. რაზეც ოდესმე მიფიქრია, რაც კი ცხოვრებაში პასუხ გაუცემელი კითხვები მქონია, ყველაფერი გოდერძის თავის ნაწარმოებებში აქვს ნათქვამი. გოდერძი ჩოხელი ჩემთვის ილიაც არის, აკაკიც , ვაჟაც და რუსთაველიც. ის არაამქვეყნიურად მიყვარს. ამბობს ფილმის ,,მე ვარ გოდერძი ჩოხელი"-ის რეჟისორი – თინათინ ბეკოშვილი. 

სამი წლის იყო, როცა მშობლებმა ანსამბლ ,,Big Band I see"-ში მიიყვანეს. სიმღერამ – ,,ვერ შეგელევი" პოპულარობა მოუტანა. პირველი სოლო კონცერტი 2006 წელს, თბილისის სპორტის სასახლეში ჰქონდა, შემდეგ კი ტურნე რეგიონებში გააგრძელა. ერთ დროს, საქართველოში პოპულარულმა, თინეიჯერებისთვის საყვარელმა შემსრულებელმა, 2008 წელიდან ქვეყანა დატოვა და კარიერა რუსეთში გააგრძელა. ბოლო პერიოდში მის შესახებ ქართველ საზოგადოებას აღარაფერი სმენია. მას მოსკოვში ჩვენი ჟურნალი geoelite.ge დაუკავშირდა და პირად ცხოვრებასა და შემოქმედებაზე ესაუბრა. 

ახლახანს, ოთო ნემსაძემ ფეისბუქის გვერდზე, საკუთარი ავადმყოფობის შესახებ სტატუსი გამოაქვეყნა. მისი განმარტებით უამრავ ექიმთან ვიზიტის მიუხედავად, ტემპერატურის დაწევა ვერავინ შეძლო, რომელიც უკვე ექვსი თვეა აწუხებს.

სულ რაღაც სამი თვეა, რაც იუმორისტული გვერდი „მანიკო გვაჭანიძე“ შეიქმნა და მათ უკვე მილიონამდე მაყურებელი ჰყავთ, ბევრი კრიტიკის მიუხედავად, ისინი მაინც facebook-ის ,,ვარსკვლავებად“ რჩებიან და აქტივობას არ კარგავენ. ამბობენ, რომ კრიტიკული კომენტარები სულაც არ აღიზიანებთ და თაყვანისმცემლებს ახალ სიურპრიზებს ჰპირდებიან. მალე მაყურებელს ერთ–ერთი სატელევიზიო არხიდან ორ დაქალზე მოკლემეტრაჟიან სერიალს შესთავაზებენ.

ღმერთმა ულამაზესი ხმის ტემბრით და გამორჩეული შესრულებით დააჯილდოვა. მისი სიმღერები ყველას უყვარს, მსმენელმა პირველად სიმღერით – "დღეები ქრებიან" – გაიცნო. სამწუხაროდ, ამ ნიჭიერი, 16 წლის მომღერლით დღემდე არცერთი ტელევიზია და ჟურნალი დაინტერესებულა. ახალგაზრდა შემსრულებლის ქეთა წიკლაურის შემოქმედებას და ცხოვრებას მკითხველი პირველად ,,geoelite.ge"-ს საშუალებით გაიცნობს. 

ექვსი წლის ასაკში ბებიამ მუსიკაზე შეიყვანა და სხვადასხვა ანსამბლში მღეროდა, რომელთა ხელმძღვანელებიც მისი ნათლიები იყვნენ. ფიქრობს, რომ ახლა მისი სცენაზე ყოფნა, სწორედ მათი დიდი დამსახურებაა. თბილისში ათი წლის ჩამოვიდა და პირველად ანსამბლ ,,დარიალში“  მღეროდა,  შემდეგ ,,ებანში“, ახლი კი ჯგუფ ,,ბანის“ სოლისტია.

ჯგუფი ,,მანდილი“, რომელიც ფეისბუქის საშუალებით ჯერ რუსეთსა და ამერიკაში შეიყვარეს, შემდეგ საქართველოში გაიცნეს. ძალიან მცირე დროში უამრავი ხალხის მოწონებაც დაიმსახურეს და დამსახურებული, თუ დაუმსახურებლი კრიტიკაც მოისმინეს... მალე ისინი თაყვანისმცემლებს ახალი სიმღერების ჩაწერით გაახარებენ.

ლილი ხურითი: თეატრს კარგი დღეები არ უდგას
ბავშვობიდან თეატრალური ცხოვრება ჰქონდა. ასე რომ დიდი არჩევანის წინაშე არც დამდგარა. 1983 წელს დაამთავრა შოთა რუსთაველის სახელობის თბილისის თეატრალური ინსტიტუტი. 1984 წლიდან სოხუმის კონსტანტინე გამსახურდიას სახელობის დრამატულ თეატრში მუშაობს მსახიობად.
გადაღებულია ფილმებში: ,,დონ ჟუანის დაბადება"(დაშა), ,,მიიღეთ გამოწვევა სენიორებო", ,,ბილიკები ცაში"" (ლილი), ,,წერილები ბამიდან", ასევე ქართულ სერიალებში : ,,გოგოები და ბიჭები" და ,,ჩიფსების თაობა." თეატრში 30 მთავარი როლი და უამრავი სხვა პერსონაჟი აქვს განსახიერებული.

ამ კითხვაზე თავად ასე პასუხობს: – უპირველეს ყოვლისა გახლავართ მშობელი, მეუღლე. ვარ პოეტი, შემდეგ არტისტი. 8 წლის მანძილზე, ასევე ტერენტი გრანელის პირველი საფლავის მცველი. პირდაპირი, სამართლიანობის მოყვარული და ხშირად ზედმეტად ემოციურიც. 20 წელი არტსა და პოეზიის საღამოებში გავატარე... წელიწადნახევარია, რაც ყველაფერი მივატოვე და საერო მორჩილი გავხდი, ანუ ეკლესიური. ვარ მთავარი სტიქაროსანი (დიდი დიღმის წმ. ნიკოლოზის ტაძარში) და ჩემი მამაოს მარჯვენა ხელი.

19 სექტემბერს, საქართველოს კულტურისა და ძეგლთა დაცვის მინისტრის მოადგილე ლევან ხარატიშვილმა, კულტურული მემკვიდრეობის დაცვის ეროვნული სააგენტოს ხელმძღვანელმა ნიკოლოზ ანთიძემ და შიდა ქართლის გუბერნატორმა ზურაბ რუსიშვილმა ქვიშხეთში დიმიტრი ყიფიანის სახლ-მუზეუმი მოინახულეს. 2014 წელი ქართველი პუბლიცისტისა და საზოგადო მოღვაწის დიმიტრი ყიფიანის საიუბილეო წელია.

საქართველოს პრემიერ-მინისტრის ინიციატივით, საქართველოს კულტურისა და ძეგლთა დაცვის სამინისტრო დიმიტრი ყიფიანის სახლ-მუზეუმის რეაბილიტაციის პროექტს განახორციელებს. სოფელ ქვიშხეთში მდებარე სახლი, სადაც საზოგადო მოღვაწემ მთელი ცხოვრება გაატარა, დღეს დანგრევის პირასაა.