პროექტ ,,საბაგიროს" ფარგლებში დაფინანსდნენ ხელოვანები, რომლებსაც სივრცის ასათვისებლად და საკუთარი ნამუშევრების წარმოსაჩენად შესაძლებლობა ეძლევათ. ამ თემასთან დაკავშირებით, პროექტის მონაწილეებს, საქართველოს ტექნიკური უნივერსიტეტის არქიტექტურის, ურბანისტიკის და დიზაინის ფაკულტეტის მეოთხე კურსის სტუდენტებს ნათია ებრალიძეს და ლანა ჩაკვეტაძეს გავესაუბრეთ.

საქართველოს პრემიერმინისტრმა ირაკლი ღარიბაშვილმა მთავრობის დღევანდელ სხდომაზე განაცხადა, რომ 2016 წლის ბიუჯეტი სოციალურად ორიენტირებული იქება და სახსრები გაიზრდება პენსიონერთა, პედაგოგთა საბაზო ხელფასის და მაღალმთიანი რეგიონების განვითარებისთვის. კერძოდ კი პენსია 1 ივლისიდან 180 ლარამდე გაიზრდება.

გადაცემა ,,ნიჭიერის“ ერთ–ერთ  მონაწილეზე ჟანა წითელაურზე, მისი მეგობარი მარიამშოშიაშვილი სოციალურქსელში წერილს ავრცელებს და გადაცემის ხელმძღვანელობას ადამიანების დაცინვასა და დამცირებაში ადანაშაულებს. 

„გთხოვთ, ყველამწაიკითხოთ ! ! ! ! ! ! ! ! ! ! ! ! ! ! ! !

გოეთეს ინსტიტუტში 26-27 სექტემბერს 10 საათიდან ცნობილი საერთაშორისო ექსპერტი ბერნადეტ ვერეში ქართველი პედაგოგებისთვის სემინარებს გამართავს გარემოსდაცვითი და მწვანე პედაგოგიკის, ასევე მდგრადი განვითარების თემაზე. თითოეული სემინარი, რომელიც 16 გაკვეთილს მოიცავს და 8 საათი გრძელდება, მნიშვნელოვანი და მასშტაბური პროექტის ფარგლებში „Vernetzt für Nachhaltigkeit“ „გავერთიანდეთ მდგრადი მომავლისთვის“ ხორციელდება. სემინარის მიზანი გახლავთ CLIL-ის (Content and Language Integrated Learning) სწავლების მეთოდის დანერგვა თანამედროვე და სკოლაზე ორიენტირებულ უცხო ენის გაკვეთილზე, ანუ ეს კონცეფცია სკოლებში გერმანული ენის გაკვეთილის დროს გარემოს დაცვის და მდგრადი განვითარების თემების ინტეგრირებას ახდენს. ასე მაგალითად, სოციალური, ჰუმანიტარული და საბუნებისმეტყველო მეცნიერებების გარკვეული თემატიკის სწავლება შესაძლებელია მოხდეს სამიზნე უცხო ენაზე, რაც საგნობრივი ცოდნის გარდა ინტერდისციპლინარულობას, კომპლექსურ აზროვნებასა და შემოქმედებითობას უწყობს ხელს. სწორედ გოეთეს ინსტიტუტი ვენის აგრარული და გარემოსდაცვითი პედაგოგიკის უნივერსიტეტთან ერთად მდგრადი განათლების კონცეფციაზე დაყრდნობით ცდილობს CLIL- ის (Content and Language Integrated Learning) მეთოდი საქართველოში აქტიურად დაინერგოს და ასეთი მიდგომებით აჩვენოს, რომ სწავლა პასუხისმგებლობაზე ორიენტირებული ქმედებებისა და გადაწყვეტილებების მიღების წინაპირობა უნდა იყოს, რომ აამაღლოს მოსწავლეთა ცნობიერება.

ეს არის საერთაშორისო პროქტი "Vernetzt für NachhaltigkeitV" (გავერთიანდეთ მდგრადი მომავლისთვის), რომელიც ფინანსდება გერმანიის ფედერაციული რესპუბლიკის საგარეო საქმეთა სამინისტროს მიერ. ამ პროექტის მიზანია საქართველოში სხვადასხვა ფორმის თანამშრომლობების ხელშეწყობა მდგრადი განათლების სფეროში. 
2015 წლის 11 სექტემბერს 10:00-ზე გოეთეს ინსტიტუში პირველად გაიმართება დიდი საერთაშორისო კონფერენცია თემაზე "Vernetzt für Nachhaltigkeit" (გავერთიანდეთ მდგრადი მომავლისთვის), რომლის მიზანია სკოლებში საგანმათლებლო პროცესი გახდეს მდგრადი განვითარების სფეროში ცნობიერების ამაღლების ერთგვარი ბიძგი. 

მოქალაქეები სასმელი წყლის მრიცხველის 100 ლარიან საფასურს აღარ გადაიხდიან. ინფორმაციას საქართველოს ენერგეტიკისა და წყალმომარაგების მარეგულირებელი ეროვნული კომისია ავრცელებს.
სემეკ-ის გადაწყვეტილებით შესაბამისი ცვლილება "სასმელი წყლის მიწოდებისა და მოხმარების" წესებში შევიდა. კერძოდ, საყოფაცხოვრებო მომხმარებლებს, რომელთა სასმელი წყლის მილის დიამეტრი 15 მმ-ს არ აღემატება, აღრიცხვის კვანძი, მათ შორის მრიცხველი, უფასოდ დაუმონტაჟდებათ.

სოციალურ ქსელში დღეს დაგეგმილ აქციასთან დაკავშირებით ინფორმაცია გავრცელდა, რომელიც უჩიპო პირადობების მოთხოვნის თაობაზე გაიმართება, ორგანიზატორები მოსახლეობას მხარდაჭერისკენ მოუწოდებენ: ,,კვირას, 28 ივნისს 16:00 სთ-ზე თბილისში პარლამენტის წინ (9 აპრილის მემორიალთან) გაიმართება შემაჯამებელი და მნიშვნელოვანი აქცია - ალტერნატიული პირადობის მოწმობების მოთხოვნის თაობაზე!!!

ახლახანს სოციალურ ქსელში გავრცელდა ინფორმაცია, რომ არასამთავრობო ორგანიზაცია "მედიატორის" დამფუძვნებელმა, ლევან ხაბეიშვილმა ინტერნეტში ფოტო გამოაქვეყნა, რომელიც მას შანიძის ქუჩის მოსახლეობამ მიაწოდა.

"თბილისი, შანიძის ქუჩა. ადგილობრივმა მოსახლეობამ გამომიგზავნა ორი ფოტო. პირველი სადაც ჩანს, რომ წყალს ფეკალური მასა მოყვება რის შემდეგაც უამრავი ზარი შევიდა შანიძის ქუჩიდან ცხელ ხაზზე. ამის შემდეგ ისე რომ მოსახლეობა არ გაუფრთხილებიათ მილებში გაატარეს გაურკვეველი ხსნარი რის დალევაც არ შეიძლებოდა. ( იხილეთ ფოტოები ) ეს ყველაფერი სავარაუდოდ დაკავშირებულია ვერეს ხეობის გაწმენდით სამუშაოებთან", - წერს ხაბეიშვილი ფოტოს კომენტირებისას.

ვრცელდება ინფორმაცია, რომ ზოოპარკის დირექტორი, ზურაბ გურიელიძე უკვე დაკითხვაზე იმყოფება. ლაგუნა ვერესთან მომხდარ ფაქტს პროკურატურა იძიებს. სისხლის სამართლის საქმე სამსახურეობრივი გულგირლობის მუხლით დაიწყო, რადგან ხელისუფლება ქუჩებში მტაცებელი ცოხველების შესახებ ინფორმაციის გავრცელებისას სწორედ ზოოპარკის დირექტორის, ზურაბ გურიელიძის ცნობებს ეყრდნობოდნენ.

ახლახანს, გავრცელდა ინფორმაცია, რომ ფალიაშვილის ქუჩაზე ახალგაზრდა გოგონამ ვეფხვი შენიშნა, რის შემდეგაც ადგილზე გამოიძახეს შესაბამისი სამსახურები. არსებულმა ინფორმაციამ მოსახლეობაში პანიკა გამოიწვია, გოგონა პოლიციამ დაკითხვაზე გადაიყვანა, პოლიციის თანამშრომლების მიერ ადგილის დათვალიერებისას ადგილზე ვეფხვი ვერ იპოვეს და იქ შეკრეფილ მოქალაქეებს განუცხადეს, რომ ინფორმაცია არ დასტურდება.

ლაგუნა ვერეს ტერიტორიაზე ვეფხვი ადამიანს თავს დაესხა. მტაცებელი ერთერთ საწყობში იმყოფებოდა, რა დროსაც, სავარაუდოდ, საწყობის მეპატრონე შევიდა შენობაში. თვითმხილველები აცხადებენ, რომ მათ დაინახეს როგორ დაესხა ცხოველი თავს ადამიანს. პირი, რომელსაც ზოოპარკიდან გამოქცეული ცხოველი თავს დაესხა, გარდაცვლილია. ადგილზე მობილიზებულია პოლიციის რამდენიმე ეკიპაჟი. ისინი ვერ შედიან ტერიტორიაზე. ვეფხვი შინაგან საქმეთა სამინისტროს სპეცრაზმის მიერ უკვე ლიკვიდირებულია.  

მოსალოდნელი ძლიერი წვიმის გამო სტიქიის ზონიდან გაწმენდითი სამუშაოები შეწყდა. სვანიძის ქუჩიდან, ზოოპარკის, გმირთა მოედნისა და მზიურის მიმდებარე ტერიტორიებიდან მომუშავე ადამიანები და მძიმე ტექნიკა გაიყვანეს. 
სამუშაოების შეწყვეტის შესახებ ამ წუთებში სპეციალური განცხადება გააკეთა კრიზისებისა და უსაფრთხოების საბჭოს თავმჯდომარის მოადგილემ და აღნიშნა, რომ სამუშაოების შეწყვეტას იწვევს ამინდის მოსალოდნელი გაუარესება.
განცხადება გააკეთა ასევე სვანიძის ქუჩაზე მყოფმა პრემიერმა, რომ ზომები მოსახლეობის უსაფრთხოების მიზნით იქნა მიღებული.