ავტორები

თეონა ამბროლიანი

ვერიკო ბუბუტეიშვილი

არაერთგზის ჩადენილი დანაშაული საპროცესო შეთანხმებით დასრულდა
მოსამართლე ქეთი ჯაჭვაძის თავმჯდომარეობით, თბილისის საქალაქო სასამართლომ, თეიმურაზ ნადიროვის ბრალეულობა განიხილა, რომელიც სსკ-ის 260-ე მუხლის II ნაწილის „ა“ და „დ“ ქვეპუნქტებით სამართლდებოდა. აღნიშნული მუხლი ნარკოტიკული საშუალების უკანონო შეძენა, შენახვის ფაქტს ითვალისწინებს, რაც ჩადენილი იყო განსასჯელის მიერ არაერთგზის. ქმედება ისჯება თავისუფლების აღკვეთით ვადით შვიდიდან-თოთხმეტ წლამდე.
სასამართლო პროცესზე მხარეებს შორის საპროცესო შეთანხმება შედგა. მოსამართლის გადაწყვეტილებით ბრალდებულს პირობით 2 წელი და 6 თვე შეეფარდა, ხოლო გამოსაცდელი ვადა 3 წელი და 6 თვე. ჯარიმის სახით კი 5000 ლარის გადახდა დაეკისრა. ასევე განსასჯელს ჩამოერთვა მართვის მოწმობა 5 წლის ვადით, ამავე ვადით იარაღის ტარების, განათლებისა და სამედიცინო დაწესებულებებში მუშაობის უფლება. მას შეუძლია მიმართოს პრეზიდენტს შეწყალების თხოვნით.

ავტორები

თეო ამბროლიანი

ვერიკო ბუბუტეიშვილი

განსასჯელს  ,,მორფინის“   გამოყენებისთვის მეორედ ასამართლებენ
თბილისის საქალაქო სასამართლომ, მოსამართლე დალი მეტრეველის თავმჯდომარეობით,  ზვიად ხუბაშვილის საქმე განიხილა, რომელიც სსკ-ის 273-ე მუხლით (მუხლი ითვალისწინებს, პირადი მოხმარებისათვის ნარკოტიკული საშუალების ან მისი ანალოგის უკანონო შეძენა, შენახვას ანდა ექიმის დანიშნულების გარეშე უკანონოდ მოხმარებას)  გასამართლდა და ისჯება ჯარიმით ან საზოგადოებისათვის სასარგებლო შრომითი ვადით, ანდა თავისუფლების აღკვეთით ვადით 1 წლამდე.
ადვოკატ იას თოდუას განმარტებით, მისი დაცვის ქვეშ მყოფმა, ექიმის დანიშნულების გარეშე, უკანონოდ მოიხმარა ნარკოტიკული საშუალება, კერძოდ ,,მორფინი“. ბრალდებულს ეს ქმედება ჩადენილი ჰქონდა ერთი წლის უკან და შეფარდებული ჰქონდა ადმინისტრაციული სასჯელი  გამოსაცდელი ვადით. ერთი წელიც არ იყო გასული, რომ დანაშაულებრივი ქმედება, ისევ გაიმეორა. ადვოკატის განცხადებით, განსასჯელი აღიარებს დანაშაულს და თავს დამნაშავედ სცნობს. თუმცა არ ამხელს იმ ფაქტს, როგორ გამოიყენა ბრალდებულმა ეს ნარკოტიკული ნივთიერება. სასამართლო პროცესი არ შედგა, რადგან ბრალდებული არ ესწრებოდა. სხდომა 17 ივნისამდე გადაიდო.

შსს-მ განზრახ მკვლელობის ფაქტზე ერთი პირი დააკავა

თბილისის მთავარი სამმართველოს დეტექტივების სამმართველოს თანამშრომლებმა, ცხელ კვალზე ჩატარებული ოპერატიული ღონისძიებების შედეგად, 1995 წელს დაბადებული სანდრო ბ. განზრახ მკვლელობის ფაქტზე დააკავეს.

დაკავებულმა 2 ივნისს თბილისში, პუშკინის სკვერში, შურისძიების მიზნით, 1983 წელს დაბადებულ ერიკ მღებროვს, ცივი იარაღით სხეულზე ორი ჭრილობა და მრავლობითი დაზიანება მიაყენა, რის შემდეგაც შემთხვევის ადგილიდან მიიმალა. ერიკ მღებროვი მიღებული ჭრილობების შედეგად საავადმყოფოში გარდაიცვალა.

სამართალდამცველებმა ბრალდებული მომხდარიდან რამდენიმე საათში დააკავეს. მკვლელობის იარაღი - დანა ნივთმტკიცებად ამოიღეს.

დაკავებული ჩადენილ დანაშაულს აღიარებს.

გამოძიება განზრახ მკვლელობის ფაქტზე (სსსკ-ის 108–ე მუხლით) მიმდინარეობს.

სასამართლოს გადაწყვეტილებით კონტრაბანდულ საქონელს გაანადგურებენ

სამეწარმეო საქმიანობისთვის განკუთვნილი კონტრაფაქციული, ფალსიფიცირებული თმის მოვლის, ასევე სარეცხი საშუალებები, სავაჭრო ქსელში აღარ მოხვდება. 31 მაისს, შემოსავლების სამსახურის საბაჟო დეპარტამენტის თანამშრომლებმა, სხვადასხვა ტიპის კონტრაფაქციული, ფალსიფიცირებული საქონელი გამოავლინეს. კერძოდ, საბაჟო საწყობში „ლილო 1“  WASH & GO-ს სასაქონლო ეტიკეტით ნიშანდებული, 6 048 ცალი  შამპუნი  აღმოაჩინეს. საქონლის მფლობელი კომპანია, აღნიშნული პროდუქციის საწყობის სასაქონლო ოპერაციაში მოქცევას გეგმავდა. იმავე დღეს, შემოსავლების სამსახურის გაფორმების ეკონომიკური ზონის „თბილისი“ თანამშრომლებმა 5 174 დოლარის ღირებულების, 2 250 კგ. (150 ყუთი) კონტრაფაქციული სარეცხი საშუალება “Ariel”-ი დააკავეს. ტვირთი მფლობელ კომპანიას თურქეთიდან შემოჰქონდა.

მეცხრამეტე საუკუნის წიგნები საზღვარზე უკანონოდ გადაჰქონდათ

შემოსავლების სამსახურის თანამშრომლებმა,  საქართველოდან მე-19 საუკუნის წიგნების უკანონოდ გატანის ფაქტი აღკვეთეს. ფოთის პორტის გავლით, ბელორუსის მიმართულებით, ღვინით დატვირთული სატვირთო მანქანა გადაადგილებოდა. საბაჟო კონტროლის განხორციელებისას, ავტომანქანაში, მე-19 საუკუნეში გამოცემული ოცი წიგნი აღმოაჩინეს. მანქანის მძღოლს განემარტა, რომ წიგნები, სიძველიდან გამომდინარე, შესაძლოა კულტურულ ფასეულობებს განეკუთვნებოდეს, შესაბამისად, ასეთი ნივთების გატანა, მხოლოდ სპეციალური ნებართვითაა შესაძლებელი. ნებართვის უქონლობის გამო, წიგნების საზღვარგარეთ გატანა აღიკვეთა.

პოლიციამ სექსუალური ძალადობისთვის ბრალდებული დააკავა

შსს-ს ცენტრალური კრიმინალური პოლიციის მე 2-ე მთავარი სამმართველოს, აჭარის მთავარი სამმართველოს უბნის ინსპექტორების სამმართველოს და ხელვაჩაურის რაიონული სამმართველოს თანამშრომლებმა, ერთობლივად ჩატარებული ოპერატიული-საგამოძიებო მოქმედებების შედეგად, სექსუალური ძალადობისთვის,  1980 წელს დაბადებული ჯუმბერ თ. დააკავეს.

აღნიშნულმა პირმა, 2013 წლის 15 მაისს, ხელვაჩაურში, სამხედრო დასახლებაში, ძალის გამოყენებით დაამყარა სექსუალური კავშირი, 1995 წელს დაბადებულ ნინა ქ-სთან.

ირინა ენუქიძისა და სანდრო გირგვლიანის საფლვის მძარცველები დააკავეს

შინაგან საქმეთა სამინისტროს ვაკე-საბურთალოს სამმართველოს პოლიციის მე-2 განყოფილების თანამშრომლებმა, ჩატარებული ოპერატიული საგამოძიებო მოქმედებების შედეგად, მიცვალებულისადმი უპატივცემლობის ბრალდებით, 1977 წელს დაბადებული ლალი დ. და 1985 წელს დაბადებული ალექსანდრე კ. დააკავეს.

გამოძიებით დადგინდა, რომ დაკავებულებმა, თანამზრახველებთან ერთად, შეურცხყვეს, რამდენიმე საფლავი, მათ შორის მიმდინარე წლის 24 მაისს, ვაკე-საბურთალოს სასაფლაოზე, სანდრო გირგვლიანისა და ირინა ენუქიძის საფლავიდან, ფარზე დამაგრებული ბრინჯაოს ბოლნისის ჯვარი მოხსნეს.

დაკავებულები მათ მიერ ჩადენილ დანაშაულს აღიარებენ.

ბრალდებული საბრძოლო მასალის უკანონო შეძენა-შენახვისთვის დააკავეს
შსს–ს ახალქალაქის რაიონული სამმართველოს ბარალეთის განყოფილების თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ახალქალაქის რაიონის სოფელ არაგვაში მცხოვრები, 1953 წელს დაბადებული სერიოჟა თ. ცეცხლსასროლი იარაღისა და საბრძოლო მასალის მართლსაწინააღმდეგო  შეძენა-შენახვის ბრალდებით დააკავეს.
სამართალდამცველებმა დაკავებულის საცხოვრებელი სახლის ჩხრეკისას ,,აკ-74“-ის ტიპის ავტომატური ცეცხლსასროლი იარაღი, 4 მჭიდი და 393 საბრძოლო ვაზნა ამოღეს.
გამოძიება ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს (სსკ-ის 236-ე მუხლის პირველი ნაწილით).

ნარკოდანაშაულისთვის ნასამართლევს  ნარკოტიკის შენახვისთვის კვლავ გაასამართლებენ
თბილისის დიდუბე-ჩუღურეთის სამმართველოს დეტექტივების განყოფილების და უბნის ინსპექტორების განყოფილების თანამშრომლებმა, წარსულში ნარკოდანაშაულისთვის ნასამართლევი, 1969 წელს დაბადებული ზვიად რ. რუსთავში დააკავეს.
სამართალდამცველებმა, დაკავებულის პირადი ჩხრეკისას, 12 შეკვრად დაფასოებული ნარკოტიკული საშუალება, ხოლო მისი დროებითი  საცხოვრებელი ბინიდან ერთ შეკვრად დაფასოებული ნარკოტიკული საშუალება და შუშის ბოთლი ამოიღეს, რომელშიც    „ჰეროინი“ იყო მოთავსებული.
ექსპერტიზამ დაადგინა, რომ სულ ამოღებულია „ჰეროინი“-ს შემცველი 2,6113 გრ ნარკოტიკული საშუალება.
ნარკოლოგიურმა შემოწმებამ დაკავებულს ,,ოპიუმი“-ს ჯგუფის ნარკოტიკული ნივთიერების მოხმარების ფაქტი  დაუდგინა.
გამოძიება დიდი ოდენობით ნარკოტიკული საშუალების მართლსაწინააღმდეგო შეძენა-შენახვის ფაქტზე მიმდინარეობს (საქართველოს სსკ-ის  260-ე მუხლის მე–2 ნაწილის „ა“ ქვეპუნქტით).

ავტორები                                                

თეონა აბროლიანი 

ვერიკო ბუბუტეიშვილი

ხუთ წლიანი პატიმრობა თაღლითობაზე

პროცესი  თბილისის საქალაქო სასამართლოში განსასჯელის გარეშე ჩატარდა, რადგან ფატიმა ჭანტურია მართლმსაჯულებას დღემდე ემალება.  მას ბრალი სსკ-ს 180-ე მუხლის II ნაწილის “ბ“ ქვეპუნქტით ედება. 

განსასჯელს, გამოძიება თაღლითობაში ადანაშაულებს. ის 2011 წლის სექტემბერს, 3100 ევროს სანაცვლოდ, ბაკურ წიკვავასა და მამუკა აბულაძეს, პოლონეთში გამგზავრებას და იქ დასაქმებას დაჰპირდა. აღნიშნული თანხა მიითვისა და 2012 წლის დეკემბრიდან გაუჩინარდა. მოწმეების დაკითხვის შედეგად გაირკვა, რომ ქალბატონი ფატიმა, ამ სფეროში სულაც არ ყოფილა დასაქმებული და არც პოლონეთის საელჩოსთან ჰქონია კავშირი. მან  დაზარალებილებისათვის ყალბი საბუთები მოამზადებინა, თითქოს უცხოეთში  მათ გაშვებას მართლა აპირებდა.

ავტორები  

თეონა აბროლიანი

ვერიკო ბუბუტეიშვილი

,,ფეიბოქსის“ გამქურდველი 5000 ლარიანი გირაოს ნაცვლად გაათავისუფლეს

თბილისის საქალაქო სასამართლომ, 20 წლის ლაშა შიხიაშვილის საქმე განიხილა, რომელსაც ხიზანიშვილის ქუჩაზე არსებული ჩასარიცხი აპარატის ,,ფეიბოქსის“ გატეხვა და თანხის მოპარვა ედება ბრალად.

სასამართლო პროცესზე, დაიკითხა მოწმე პოლიციის თანამშრომელი იაგო ტალახაძე, რომელიც დანაშაულის ადგილზე მას შემდეგ მივიდა, როცა პოლიციელებს; წიკლაურსა და აზარაშვილს, ეჭვმიტანილი უკვე დაკავებული ჰყავდათ. მისი განცხადებით: იანვრის თვეში, ხიზანიშვილის ქუჩაზე მოხდა ჩასარიცხი აპარატის ე.წ. ,,ფეიბოქსის“ გატეხვა და თანხის მოპარვა, რაც მოპირდაპირე მხარეს არსებულმა ლომბარდის კამერამ დააფიქსირა. ადგილზე მისვლისთანავე შემთხვევის ადგილი დაათვალიერა, გაესაუბრა ჩასარიცხი აპარატის მეპატრონეს და შემდეგ გამოიძახა ესპერტ-კრიმინასლიტები. თუმცა განაცხადა, რომ შემთხვევის ადგილზე მისულს განსასჯელი არ უნახავს, რადგან ის უკვე პოლიციაში ჰყავდათ გადაყვანილი.

ავტორი

ლელა მანველიძე

მექა ხანგოშვილი: ახალაიებმა შიშით უნდა იცხოვრონ და ყველა წუთს ელოდნენ სიკვდილს

ლაფანყურის ოპერაციის გამოძიებას, საზოგადოება, დღესაც დიდი ინტერესით ელოდება, მის ირგვლივ უამრავი მითქმა-მოთქმაა. ამბობენ, რომ ახალაიების სიცოცხლეც კი, ამ საქმის გამო, კითხვის ნიშნის ქვეშ დგას და რომ ქართულ ციხეში ყოფნა, ბაჩო ახალაიასთვის თავის დაცვის საუკეთესო საშუალებაა. ამ საკითხთან დაკავშირებით სახელმწიფო მინისტრის აპარატის მრჩეველს ინტეგრაციის საკითხებში  ქალბატონ მექა ხანგოშვილს გავესაუბრეთ. 

- რას იტყვთ ლაფანყურის ოპერაციაზე? თქვენი აზრით, რას ემსახურებოდა ეს პროვოკაცია, რას ამბობენ პანკისში მცხოვრები ქისტები და საერთოდ ჩეჩნური დიასპორა? 

- სანამ გამოძიება თავის ვერდიქტს არ დადებს, უდანაშაულობის პრეზუმფციიდან გამომდინარე, მიმაჩნია, რომ ვერსიებზე საუბარი არასწორია. თუმცა პანკისის მოსახლეობა თვლის, რომ ეს ყველაფერი წინასაარჩევნო პიარს უკავშირდებოდა და როგორი პიარი გამოუვიდათ, ყველამ დავინახეთ. ფაქტია, რომ ამ „თამაშმა“ უდანაშაულო ბიჭების სიცოცხლე შეიწირა. პანკისელების პრეტენზია, მხოლოდ, იმაში მდგომარეობს, რომ რატომ არ მოხდა ამ ბიჭების ცოცხლად აყვანა, რატომ მიმართეს ყველაზე ,,ადვილ ხერხს“  – ლიკვიდაციას, რატომ არ გამოიყენეს სახალხო დიპლომატია და უხუცესთა ინსტიტუტი მოლაპარაკებების პროცესში და ა.შ.  დაღუპულთა ოჯახებისთვის, დღეს, ყველაზე მნიშვნელოვანია, მათი დაზარალებულად ცნობა.