 |
ქალი მსჯავრდებულები C ჰეპატიტზე გამოიკვლიეს
პენიტენციურ სისტემაში C ჰეპატიტის პრევენციის, დიაგნოსტიკისა და მკურნალობის პროგრამის პირველი ფაზის ფარგლებში, C და B ვირუსულ ჰეპატიტზე ქალ მსჯავრდებულებს გამოკვლევა ჩაუტარდათ. ტესტირება ნებაყოფლობით 222-დან 148 დაინტერესებულმა პატიმარმა ჩაიტარა. მიმდინარე კვირაში ქალ მსჯავრდებულთა შორის ინფექციის გავრცელების მაჩვენებლები, უკვე ცნობილი იქნება.
პროგრამის ფარგლებში ეს უკვე მეორე მიზნობრივი ჯგუფია, სადაც ტესტირება მასობრივად ჩატარდა. პროგრამის დაწყების ადრეულ ეტაპზე ტესტირება უვადოდ თავისუფლებააღკვეთილ პატიმრებს უკვე ჩაუტარდათ. 1 წლის განმავლობაში სულ 10 000-ზე მეტი პატიმრის ტესტირება იგეგმება.
პროგრამის მეორე ფაზა C ჰეპატიტით დაავადებული პატიმრების მკურნალობას გულისხმობს, რომლის ფარგლებშიც 2 წლის განმავლობაში, მკურნალობა 1000 პატიმარს ჩაუტარდება. პაციენტები, ყოველგვარი დისკრიმინაციის გარეშე, სპეციალური სამედიცინო კრიტერიუმების საფუძველზე შეირჩევიან.
მოამზადა
გიორგი გაბაშვილმა
რას წერს ბაჩო ახალაიაზე უცხოური მედია?!
ამერიკული გამოცემა ,,ნიუ-იორკ თაიმსი” შემდეგ ინფორმაციას აქვეყნებს: „ორშაბათს სასამართლომ გამამტყუნებელი განაჩენი გამოუტანა, სასჯელაღსრულებისა და შინაგან საქმეთა ყოფილ მინისტრს. იგი დამნაშავედ ცნეს ციხის ბუნტის დროს ძალის გადამეტების ბრალდებაში და დადგინდა კავშირი ამ ფაქტსა და 7 პატიმრის გარდაცვალებასთან დაკავშირებით. ოფიციალურად ბაჩანა, უფრო ცნობილი კი როგორც ბაჩო ახალაია, იკავებდა სხვადასხვა მნიშვნელოვან პოსტებს სახელმწიფო სტრუქტურებში 2004 წლიდან.
ის ხალხის მხრიდან აგრესიის ობიექტი გახდა მას შემდეგ, რაც მისი შ.ს.ს-ს მინისტრობის დროს გავრცელდა ვიდეოები, რომლებშიც პატიმრებს აუპატიურებენ და ფიზიკურ შეურაწყოფას აყენებენ. მოსამართლე ლაშა ჩხიკვაძემ მას 3 წლითა და 9 თვით თავისუფლების აღკვეთა მიუსაჯა. ახალაიას ადვიკატების თქმით, განაჩენი გასაჩივრდება.
განაჩენი გამოტანილი იქნა მას შემდეგ, რაც ცნობილი გახდა საქართველოს არჩევნების შედეგები. ყოფილი პრეზიდენტის მიხეილ სააკაშვილის გუნდის ასეულობით ოფიციალური პირი უკვე სანქცირებულია, ახალი პრემიერ მინისტრის ბიძინა ივანიშვილის გუნდის მხრიდან, მილიონერისა, რომელმაც ერთი წლის წინ მოუგო არჩევნები სააკაშვილს.
პრეზიდენტად არჩეულ იქნა გიორგი მარგველაშვილი - ,,ქართული ოცნების“ კანდიდატი და ყოფილი განათლების მინისტრი, ვიცე პრემიერი და უნივერსიტეტის რექტორი. მან ხმების 62.1 პროცენტი მიიღო, შედარებისთვის სააკაშვილის პარტიიდან დავით ბაქრაძემ 21.7 პროცენტი მიიღო, ხოლო მესამე ადგილზე პარლამენტის ექს-სპიკერი ნინო ბურჯანაძეა 10.2 პროცენტით.
ბურჯანაძემ მთავრობას სააკაშვილის გასამართლებისკენ მოუწოდა, როგორც კი ის დატოვებდა პრეზიდენტის პოსტს, ივანიშვილმა ამ იდეის მიმართ მისი მხარდაჭერა დაადასტურა.
მოამზადა
გიორგი გაბაშვილმა
რას წერს საქართველოს საპრეზიდენტო არჩევნებზე მსოფლიო მედია
27 ოქტომბერს საქართველოში საპრეზიდენტო არჩევნები ჩატარდა. ეს მოვლენა, ბუნებრივია, მსოფლიო მედიის ყურადღების ცენტრშიც მოექცა. შედეგების ჩვენების გარდა, საინტერესოა, როგორ ეხმაურება მსოფლიო პრესა საპრეზიდენტო არჩევნებს.
,,Washingtonpos"-ი აქვეყნებს სტატიას სახელით „ ქართველმა ამომრჩეველმა ახალი პრეზიდენტი აირჩია და სააკაშვილს დაემშვიდობა“. ავტორი სტატიას შემდეგნაირად იწყებს:
„ის იყო ვარდების რევოლუციის გმირი, შემდეგ პრეზიდენტი და დაამარცხა კორუფცია, ხოლო სახელმწიფო სერვისები უფრო ეფექტური გახადა. ასევე 2008 წელს, იყო ქვეყნის მთავარსარდალი რუსეთთან ომის დროს“.
ამის შემდეგ ავტორი წერს, რომ არჩევნები მშვიდ გარემოში ჩატარდა და დამარცხებულმა კანდიდატმა დავით ბაქრაძემ, გამარჯვება მიულოცა გიორგი მარგველაშვილს.
ავტორი, ასევე ეხება მარგველაშვილის პიროვნებას და წერს:
„მარგველაშვილი არ შეიძლება ჩაითვალოს დინამიურ ლიდერად, ის უნივერსიტეტის ყოფილი რექტორია“. მისი და პრემიერ ივანიშვილის მეგობრობა საქვეყნოდაა ცნობილი, თუმცა პრემიერი სამოქალაქო სექტორში აპირებს გადასვლას და უცნობია, როგორ შეძლებს მარგველაშვილი სახელმწიფო ინსტიტუტებს გაუძღვეს.
სტატიის ბოლოს ავტორი იმ ფაქტსაც ეხება, რომ არჩევნების პერიოდში, ნაციონალური მოძრაობის ასეულობით წევრი დაკითხულ იქნა, რაც ცუდად იმოქმედებს საქართველოს საგარეო რეპუტაციაზე.
არასრულწლოვანთა სპეციალიზებულ დაწესებულებაში ნარდის ჩემპიონატი გაიმართა
არასრულწლოვანთა N11 სასჯელაღსრულების დაწესებულებაში ნარდის ტურნირი ჩატარდა. შეჯიბრებაში 28 არასრუწლოვანი მსჯავრდებული მონაწილეობდა. ჩემპიონატის მიმდინარეობისას მსაჯობა ნარდის ასოციაციის პრეზიდენტმა თემურ ქურციკიძემ, ნარდის მსოფლიო პირველობის მფლობელმა ომარ დვალმა, მომღერალმა ეთერ კაკულიამ და ასოციაციის სხვა წევრებმა გასწიეს. ტურნირში გამარჯვებული მოზარდები ნარდის ასოციაციის წევრებსაც შეეჯიბრნენ. საბოლოოდ, გუნდურ თამაშებში მასპინძელთა ნაკრებმა გაიმარჯვა.
ღონისძიების დასასრულს, პირველ, მეორე და მესამე ადგილზე გასულ მოზარდებს სტუმრებმა სამახსოვრო მედლები და სიგელები გადასცეს. ხოლო პირველ და მეორე ადგილზე გასულები, დამატებით, ნარდით დააჯილდოვეს. მხიარული შეჯიბრება სტუმრების მიერ მორთმეული ნარდის ფორმის ტორტის დაგემოვნებით დასრულდა.
ჩემპიონატს ორგანიზება დაწესებულების ფსიქო-სოციალურმა განყოფილებამ გაუწია.
პრეზიდენტმა იუსტიციის სამინისტროს გვერდის ავლით საქართველოს მოქალაქეობა თურქეთის კიდევ 1088 მოქალაქეს მიანიჭა
საქართველოს პრეზიდენტის 2013 წლის 21 ოქტომბრის ბრძანებულებით, თურქეთის რესპუბლიკის 1088 მოქალაქეს განსაკუთრებული წესით მიენიჭა საქართველოს მოქალაქეობა.
აღნიშნული წესის მიხედვით, საქართველოს პრეზიდენტი, საკუთარი ინიციატივით, კანონით დადგენილი პროცედურების გვერდის ავლით, საქართველოს მოქალაქეობას ანიჭებს უცხო ქვეყნის მოქალაქეებს. სწორედ ამ გზით განახორციელა მან თურქეთის 1088 მოქალაქისათვის საქართველოს მოქალაქეობის მინიჭება.
ინფორმაციისთვის: ამავე საფუძვლით, საქართველოს პრეზიდენტმა 2013 წლის 10 სექტემბრის ბრძანებულებით, უკვე მიანიჭა საქართველოს მოქალაქეობა თურქეთის რესპუბლიკის 935 მოქალაქეს, რომელთაგან დღემდე 93 პირმა, უკვე აიღო საქართველოს მოქალაქის პირადობის დამადასტურებელი მოწმობა.
პოლიციამ ნარკოდანაშაულისათვის ერთი პირი დააკავა
ცენტრალური კრიმინალური პოლიციის დეპარტამენტის აჭარის სამმართველოს თანამშრომლებმა, ოპერატიული ინფორმაციის საფუძველზე ჩატარებული ღონისძიების შედეგად, 1986 წელს დაბადებული გივი ვ. ნარკოდანაშაულის ბრალდებით ბათუმში, ახალსოფლის დასახლებაში დააკავეს.
გამოძიებამ დაადგინა, რომ ბრალდებულმა თურქეთის რესპუბლიკიდან საქართველოში დიდი ოდენობით ნარკოტიკული საშუალება უკანონოდ შემოიტანა.
ექსპერტიზის დასკვნით, ამოღებულია 2,6 გრ ჰეროინი.
ნარკოლოგიურმა შემოწმებამ დაადგინა, რომ დაკავებისას გივი ვ. ნარკოტიკული საშუალება ოპიუმის და მარიხუანის ზემოქმედების ქვეშ იმყოფებოდა.
ბრალდებული ჩადენილ დანაშაულს აღიარებს.
გამოძიება დიდი ოდენობით ნარკოტიკული საშუალების უკანონო შეძენა-შენახვის და დიდი ოდენობით ნარკოტიკული საშუალების საქართველოში უკანონოდ შემოტანის ფაქტებზე მიმდინარეობს (სსსკ-ის 260-ე მუხლის მე-2 ნაწილის „ა“ ქვეპუნქტით და 262-ე მუხლის მე–2 ნაწილის „ა“ ქვეპუნქტით).
შსს-მ უკანონო ცეცხლსასროლი იარაღი ამოიღო
ცენტრალური კრიმინალური პოლიციის დეპარტამენტის იმერეთის სამხარეო სამმართველოს თანამშრომლებმა, ჩატარებული სპეციალური ოპერატიული ღონისძიების შედეგად, ხონის რაიონის სოფელ ახალშენში ცეცხლსასროლი იარაღი ამოიღეს.
სამართალდამცველებმა ტრისტან ო-ს საცხოვრებელი სახლიდან რევოლვერის ტიპის ცეცხლსასროლი იარაღი და 5 საბრძოლო ვაზნა ამოიღეს.
ექსპერტიზის დასკვნით, ამოღებული იარაღი სასროლად ვარგისია.
გამოძიება ცეცხლსასროლი იარაღის მართლსაწინააღმდეგო შეძენა-შენახვის ფაქტზე მიმდინარეობს (სსსკ-ის 236-ე მუხლის 1–ლი ნაწილით).
შინაგან საქმეთა სამინისტროს განცხადება
შინაგან საქმეთა სამინისტრო მზად არის განიხილოს საგზაო წესების დარღვევისათვის დაწესებული ჯარიმების ოდენობის საკითხი და წარუდგინოს ინიციატივები მთავრობასა და პარლამენტს.
შეგახსენებთ, რომ შსს-ს მიერ უკვე ინიცირებულია პარლამენტში „ადმინისტრაციულ სამართალდარღვევათა კოდექსში“ შესატანი ცვლილებების პროექტი, რომლის ერთ-ერთი პუნქტია ჯარიმის განახევრება 100-დან 50 ლარამდე უწყვეტი ღერძულა ხაზის გადაკვეთის შემთხვევაში.
აღნიშნულ ინიციატივაში, რაც წარდგენილია პარლამენტში, უარი ითქვა ნასვამ მდგომარეობაში ავტოსატრანსპორტო საშუალების მართვის გამო დაჯარიმებაზე და ფულადი ჯარიმის ნაცვლად შემოდის მართვის უფლების შეჩერების ინსტიტუტი.
როგორც ეს, ასევე სხვა ცვლილებებიც დაკავშირებულია არა ფისკალურ ეფექტთან და ბიუჯეტში თანხების მობილიზებასთან, არამედ თითოეული ადამიანის, მათ შორის სამართალდამრღვევის სიცოცხლისა და ჯანმრთელობის დაცვასთან.
ასევე გვსურს მოგახსენოთ, რომ ბოლო 1 წლის განმავლობაში საგზაო ნიშნების შემოღებამ და ასევე გზების მონაკვეთებში მაქსიმალური სიჩქარის განსაზღვრამ უზრუნველყო ის, რომ ავტოსაგზაო შემთხვევებში გარდაცვლილთა რაოდენობა 60%-ით შემცირდა.
საპატიმროებს კიდევ 36 პატიმარი დატოვებს
2013 წლის 23 ოქტომბერს, სასჯელაღსრულების, პრობაციისა და იურიდიული დახმარების საკითხთა სამინისტროს პირობით ვადამდე გათავისუფლების მუდმივმოქმედმა კომისიამ, 300 მსჯავრდებულის საქმეს გადახედა. შედეგად, სასჯელაღსრულების დაწესებულებებიდან 36 მსჯავრდებული გათავისუფლდა, მათ შორის ორი ქალბატონია.
მუდმივმოქმედი კომისიის გადაწყვეტილებით, ერთ მსჯავრდებულ მამაკაცს, რომლის საქმის განხილვაც ზეპირი მოსმენით განხორციელდა, სასჯელის მოუხდელი ნაწილი საზოგადოებისთვის სასარგებლო შრომით შეეცვალა.
კომისიის წევრებმა, იმ მსჯავრდებულთა შუამდგომლობები განიხილეს, რომლებიც ადმინისტრაციის მხრიდან დადებითად ხასიათდებიან და მოხდილი აქვთ ნაკლებად მძიმე დანაშულზე სასჯელის ნახევარი, მძიმეზე - 2/3, ხოლო განსაკუთრებით მძიმეზე -3/4. შუამდგომლობების განხილვისას კომისიის წევრებმა გაითვალისწინეს მსჯავრდებულთა ჯანმრთელობის და ოჯახური მდგომარეობა. ამასთანავე შეფასდა მსჯავრდებულის მხრიდან დანაშაულის განმეორებით ჩადენის რისკები.
გადაწყვეტილება მსჯავრდებულებს ვადამდე გათავისუფლების კომისიის წევრებმა, მათ შორის, პარლამენტის ადამიანის უფლებათა კომიტეტის თავმჯდომარემ ეკა ბესელიამ და სასჯელაღსრულების, პრობაციისა და იურიდიული დახმარების საკითხთა მინისტრის პირველმა მოადგილემ გიგა გიორგაძემ გააცნეს.
შინაგან საქმეთა მინისტრმა უწყების წლიური ანგარიში წარადგინა
საქართველოს შს სამინისტროს 2013 წლის ანგარიშში, დეტალურად არის აღწერილი რეფორმის ფარგლებში განხორციელებული, თუ მიმდინარე ისეთი მნიშვნელოვანი პროცესები, როგორიც არის სამინისტროს დეპოლიტიზება, სამინისტროს საქმიანობის საჯაროობისა და გამჭირვალეობის უზრუნველყოფა, ადამიანის უფლებების დაცვა, საკანონმდებლო და კანონქვემდებარე აქტების შემუშავება, საზოგადოებრივი მართლწესრიგისა და საგზაო უსაფრთხოების უზრუნველყოფა, ნარკოტიკების უკანონო ბრუნვისა და ნარკომანიის წინააღმდეგ ბრძოლა, ტრეფიკინგის და კორუფციის წინააღმდეგ ბრძოლა, კონტრტერორისტული შესაძლებლობების გაუმჯობესება, კიბერდანაშულის წინააღმდეგ ბრძოლა, სამინისტროს მიერ ხარისხიანი მომსახურების გაწევა და საერთაშორისო თანამშრომლობის გაღრმავება.
2013 წლის ანგარიშში, განსაკუთრებული ყურადღება ეთმობა შს სამინისტროს დეპოლიტიზებას და რესტრუქტურიზაციას, რომლის ფარგლებშიც 2012 წლის ნოემბერში გაუქმდა კონსტიტუციური უსაფრთხოებისა (კუდ-ი) და სპეციალური ოპერატიული დეპარტამენტები (სოდ-ი), ხოლო მათ ნაცვლად შეიქმნა ანტიკორუფციული და სახელმწიფო უსაფრთხოების სააგენტოები; ასევე, სამინისტროში შეიქმნა ცენტრალური კრიმინალური პოლიციის დეპარტამენტი.
მოამზადა
გიორგი გაბაშვილმა
სტალინის მუზეუმი განახლდება
2014 წელს, სტალინის მუზეუმი მის მშობლიურ ქალაქ გორში განახლდება. ამ ინფორმაციას რუსული სააგენტო „ნოვოსტი“ ავრცელებს. მათთან საუბარში საქართველოს კულტურის მინისტრის მრჩეველმა ინგა კარაიამ განაცხადა, რომ ახალი მუზეუმი უფრო რეალისტური იქნება.
„ამ ეტაპზე ახალი კონცეფციის შემუშავება მიმდინარეობს. ახლანდელი ექსპოზიცია დამყარებულია სტალინის კულტზე, ხოლო ახალი განისაზღვრება რეალური, ისტორიული ფაქტების მიხედვით“ - აღნიშნავს კარაია.
მისივე თქმით, ახალი ექსპოზიცია არ იქნება აგრესიული და სტალინის წინააღმდეგ მიმართული.
ახლანდელი სტალინის მუზეუმი, 1937 წელს, ლავრენტი ბერიას მიერაა დაარსებული. მუზეუმში 47 ათასამდე ექსპონატი ინახება. სამუზეუმო კომპლექსში შედის სტალინის საგვარეულო სახლი, ვაგონი, რომლითაც იგი მოგზაურობდა და „ბელადის“ სხვა პირადი ნივთები.
რეკონსტრუქციის მიუხედავად მუზეუმი არ დაიხურება და ამ პერიოდშიც მიიღებს სტუმრებს.
შსს-მ უკანონო იარაღი ამოიღო
შსს–ს კრიმინალური პოლიციის დეპარტამენტის პირველი მთავარი სამმართველოს მე-2 სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო ღონისძიების შედეგად, 1967 წელს დაბადებული, წარსულში ნარკოდანაშაულისთვის ნასამართლევი მამუკა კ. ცეცხლსასროლი იარაღის და საბრძოლო მასალის უკანონო შეძენა-შენახვის ბრალდებით, თბილისში, ფალიაშვილის ქუჩაზე დააკავეს.
სამართალდამცველებმა, დაკავებულის საცხოვრებელი ბინის ჩხრეკისას „მაკაროვი“-ს სისტემის პისტოლეტი, ერთი მჭიდი და 4 საბრძოლო ვაზნა ამოიღეს.
გამოძიება ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე (სსსკ-ის 236-ე მუხლის 1-ლი ნაწილით) მიმდინარეობს.
