ცენტრალურმა საარჩევნო კომისიამ, ამერიკის სახელმწიფო მდივნის მოადგილეს დემოკრატიის, ადამიანის უფლებებისა და შრომის საკითხებში თომას მელიას, ამერიკის ელჩს საქართველოში რიჩარდ ნორლანდს და ამერიკის სახელმწიფო დეპარტამენტის წარმომადგენლებს დღეს, ცენტრალურ საარჩევნო კომისიაში უმასპინძლა. დელეგაციის წევრები კომისიის ახლად დანიშნულ თავმჯდომარეს თამარ ჟვანიას, თავმჯდომარის მოადგილეს დავით კირთაძეს და ცესკოს ხელმძღვანელ პირებს შეხვდნენ.
დავით კირთაძემ, ამერიკელ სტუმრებს, ცესკოში მიმდინარე აქტივობები გააცნო.  მხარეებმა, არსებული საარჩევნო გარემო განიხილეს და 2013 წლის 27 ოქტომბრის საქართველოს პრეზიდენტის არჩევნებისთვის მზადების პროცესზე ისაუბრეს.