ავტორი
სოფო ხვიბლიანი

მისთვის ცეკვა ყველაფერია, საზოგადოებას თავი პროექტ ,,ცეკვავენ ვარსკვლავებიდან“ დაამახსოვრა. ის დღესაც  თავის საყვარელ საქმეს აკეთებს და სტუდია ,,თელაში“ ცეკვას ასწავლის.
- სანამ საზოგადოებისთვის ცნობილი სახე გახდებოდით რას საქმიანობდით?
- მე და სალომე ჭაჭუა, სხვადასხვა კონკურსებში ვიღებდით  მონაწილებას. ფინალში, მსოფლიო ჩემფიონატშიც გავსულვართ და საპრიზო ადგილებიც აგვიღია. საქართველოში კი თითქმის, ყოველთვის პირველ ადგილზე გავდიოდით.
- როგორ მოხვდით „ცეკვავენ ვარსკვლავების“ პირველ სეზონში?
- ამ პროექტში, რომ მონაწილეობა მივიღე, ლელა წურწუმიას დამსახურებაა. მან მოითხოვა, მისი პარტნიორი ვყოფილიყავი.  თუმცა პრობლემა ის იყო, რომ ცეკვისთვის თავი მქონდა დანებებული და წონაში მომატებული ვიყავი, ამიტომ ერთ კვირაში მომიწია ფორმაში ჩადგომა.
- ლელასთან მეგობრობდით?
- დიდი ხანია ერთმანეთს ვიცნობთ, რამდენიმე წლის წინ „საზოგადოებრივ არხზე“, ამ პროექტის გაკეთება ჩვენც გვინდოდა, მაგრმ არ გამოგვივიდა.

- გული ხომ არ დაგწყდათ, პარტნიორობა თიკო სადუნიშვილმა რომ გაგიწიათ?
- ლელას ძალინ ვაფასებ, კარგი ადამიანია, მაგრამ თიკოს პარტნიორობამ ძალიან გამახარა. კარგი პიროვნებაა, დღეს  ის ჩემი ერთ-ერთი უახლოესი მეგობარია.
- თქვენზე რომ ყოფილიყო დამოკიდებული, პირველ და მეორე სეზონში ვისთან იცეკვებდით?
- პირეველ სეზონში თიკოსთან და მეორეში  რუსკასთან, ან ნანიკოსთან.
- რამდენად გწყალობთ იღბალი?
- ამბობენ, რომ ცხოვრებაში ერთხელ გეძლევა შანსი და უნდა გამოიყენოვო, მაგრამ არ ვეთანხმები. ბევრი შანსი მომცა ცხოვრებამ, ალბათ იმიტომ, რომ სწორ გადაწყვეტილებებს ვიღებდი, თუ არ ჩავთვლით ბავშვობის შეცდომებს.
- რატომ არ მიიღეთ „ცეკვავენ ვარსკვლავების“ ამ სეზონში მონაწილეობა?
- არ მიმიწვიეს, ალბათ იმიტომ, რომ მეორე სეზონის შემდეგ ვთქვი, აღარ მივიღემ ამ პროექტში მონაწილეობას-მეთქი. თანაც ძალიან დაკავებული  ვიყავი, თვისუფალი დრო ფაქტიურად არ მქონდა. ამჟამად, მოსწავლეები მყავს, სულ მალე „მსაჯი“ გავხდები.
- ცნობილი სახეებიდან არის ვინმე თქვენი მოსწავლე?
- გვანცა ზაქარეიშვილი, თიკო სადუნიშვილი და კიდე რამდენიმე სხვა. ძირითად მოცეკვავეებს ვასწავლი; ოთოს, ჯულიანას და სხვებს, რადგან ნერვები არ მყოფნის დამწყებ ბავშვებთან მუშაობის.

-  „ცეკვავენ ვარსკვლავებში“ ვის გულშემატკივრობთ?
- ვგულშემატკივრობდი ოთოს და იულიას. ახლა ჯულიანს, გიორგის, რამაზის და სოფოს,  რადგან ისინი ჩემი მოსწავლეები არაიან.
- თქვენი აზრით ვინ იქნება ამ სეზონის გამარჯვებული?
- წინასწარ ვერ განსაზღვრავ, მაგალითად გიორგიმ და ჯულიანამ პირველად ძალიან კარგად იცეკვეს, მეორე და მესამე ცეკვა კი ჩააგდეს. 
- მიღებთ თუ არა მომდევნო სეზონში მონაწილეობას?
- ჯერ-ჯერობით არ მაქვს დაგეგმილი, თუ რაღაცეები შეცვალეს  არ გამოვრიცხავ.
- რას გულისხმობთ, რა უნდა შეიცვალოს?
- ძალიან ბევრი რამ. იმას არ ვამბობ, რომ ცუდია, მგარამ არის რაღაცები, რაც ჩემთვის მიუღებელია. არ ვიცი, ვნახოთ მომავალი რას გვიჩვენებს.
- როგორია ,,ვარსკვლავობა“?
- აქვს თავისი დადებითი და უარყოფითი მხარეები; უარყოფითი ის, რომ შენს პირად ცხოვრებაში ერევიან, დადებითი კი ის აქვს, რომ  ხალხი გცნობს, უყვარხარ და დიდ სითბოს გამოხატავს შენს მიმართ.
- „ცეკვავენ ვარსკვლავები“ არის თუ არა ერთ-ერთი მთვარი მიზეზი თქვენი და სალომეს  დაშორების?
- არა, პროექტი არაფერ შუაშია. მართალია ცნობილები გავხვდით და ორივე ცოტა შევიცვალეთ, მაგრამ ოჯახიც რომ გვქონოდა შექმნილი, მაინც დავშორდებოდით. მოსახდენი მოხდებოდა.
- სალომე ისევ „სტუდია თელაში“ მუშაობს?
- არა, დაშორების შემდეგ ცოტახანს იმუშავა და წავიდა.
- თქვენ ხომ არ იყავით ინიციატორი?
- არა, ეს მისი გადაწყვეტილება იყო. დღესაც რომ დაბრუნდეს, პრობლემა არ მექნება. 
- ახლაც გაქვთ რაიმე ურთიერთობა?
- არა.
- გვესაუბრეთ თქვენს სამომავლო გეგმებზე.
- მყავს ძალიან ბევრი მოცეკვავე წყვილი, ახლა საერთაშორისო ,,მსაჯობას“ ვიღებ და  ერთ წელიწადში, მინიმუმ ცამეცი კონკურსი მექნება. ,,სამსაჯო“ წყვილებს გავზრდი და ვატარებ კონკურსებზე. ახლა მივდივარ მოსკოვში, გერმანიაში და ამერიკაში.